ST Bus Accident: एसटी बसची केबिनच चक्काचूर झाली, चालकाचा जागेवरच मृत्यू, कोल्हापुरातील भीषण PHOTOS

कोल्हापूरच्या सिमेवरून एक धक्कादायक बातमी समोर आली आहे. बेळगाव-वेंगुर्ला महामार्गावर महाराष्ट्राची एसटी बस आणि ट्रकचा भीषण अपघात झाला आहे. या अपघातात एसटी चालकाचा जागेवरच मृत्यू झाला आहे. तर ३ प्रवाशांचाही मृत्यू झाला आहे. अनेक प्रवाशी जखमी असून नजिकच्या शासकीय रुग्णालयात दाखल केलं आहे.

मिळालेल्या माहितीनुसार, चंदगड तालुक्यातल्या सुपे इथं दुपारच्या सुमारास ही घटना घडली. अपघातग्रस्त एसटी महामंडळाची बस ही चंदगड आगारमधील होती.

एसटी बस महाराष्ट्राकडे येत होती. , चंदगड तालुक्यातल्या सुपे इथं पोहोचली असता भरधाव ट्रकने बसला धडक दिली.

ही धडक इतकी भीषण होती की, बसच्या समोरील भागाचा चक्काचूर झाला. या भीषण अपघातात एसटी बसचालकाचा जागेवरच मृत्यू झाला.

लक्ष्मण हळदणकर असं मृत एसटी बस चालकाचं नाव आहे. एसटी चालकाचा जागेवर मृत्यू तर तीन प्रवाशांचा उपचारादरम्यान मृत्यू झाला आहे.

अपघातात अनेक प्रवाशी जखमी झाल्याची प्राथमिक माहिती आहे. जखमी प्रवाशांना बेळगावमधील हॉस्पिटलमध्ये उपचारासाठी दाखल केलं आहे.