Gold Price Today:सोन्याच्या किंमतीत आतापर्यंतची सर्वात मोठी वाढ! पाहा काय सुरु आहे भाव

आज सोन्याच्या किमतीत विक्रमी वाढ झाली आहे आणि डॉलरच्या तुलनेत रुपयाची विक्रमी घसरण होत असताना, एमसीएक्सवर सोन्याची किंमत आतापर्यंतच्या उच्चांकावर पोहोचली आहे.

आज एमसीएक्सवर सोने 1,02,600 रुपयांवर पोहोचले आहे. जे किमतींचा एक नवीन उच्चांक आहे. एमसीएक्स गोल्डचा ऑक्टोबर करार 0.1 टक्क्यांनी वाढून नवीन विक्रमी उच्चांकावर पोहोचला आहे.

दुसरीकडे, चांदीमध्ये घसरण दिसून आली आहे आणि सप्टेंबर करार किंचित कमी होऊन 1,17, 062रुपये प्रति किलो झाला आहे. ट्रम्प टॅरिफच्या अनिश्चिततेमुळे, सोन्याच्या किमतीत सातत्याने वाढ होत आहे आणि आतापर्यंत ऑगस्टमध्ये सोन्याच्या किमतीत ३ टक्क्यांनी वाढ झाली आहे.

सोन्याची किंमत का वाढत आहे? : सोन्याच्या किमतीत वाढ होण्याची अनेक महत्त्वाची कारणे आहेत, त्यापैकी एक म्हणजे फेडरल रिझर्व्हकडून दर कपात होण्याची शक्यता.

यासोबतच, जगभरात सुरू असलेल्या अनिश्चितता आणि तणावादरम्यान सोन्याची गुंतवणूक मागणी वाढली आहे, ज्यामुळे गुंतवणूकदार त्यांचा धोका कमी करण्याचा प्रयत्न करत आहेत. या वाढत्या गुंतवणूक मागणीचा किमतींवर परिणाम होत आहे.