मुंबईत मनासारखी थंडी नाहीच, कोकणात पुन्हा पाऊस? IMD कडून मोठा अलर्ट

मुंबई आणि कोकणात किमान आणि कमाल तापमानात कोणतीही घट दिसत नाहीये. त्यामुळे मुंबईकर उकाड्याने हैराण झाले आहेत.

हिवाळ्याच्या दिवसात सुद्धा सध्या मुंबईकर उन, पाऊस आणि थंडी असा एकत्रीत वातावरणाचा अनुभव घेत आहेत. नोव्हेंबर महिन्याचे अगदी आता काही दिवस उरलेले असताना सुद्धा मुंबईकर अजूनही थंडीच्या प्रतीक्षेतच आहेत.

मुंबई आणि जवळच्या उपनगरांत दिवसभर निरभ्र आकाश राहील. सकाळी काही प्रमाणात थंडी आणि धुके जाणवेल परंतु संपूर्ण दिवस मात्र घामाच्या धारा लागण्याची शक्यता आहे.

मुंबईत काही दिवस सकाळी आणि संध्याकाळी गारवा जाणवत होता. मात्र, ढगाळ वातावरणामुळे तोदेखील नाहीसा झाला आहे.

आज मुंबईचे किमान आणि कमाल तापमान अनुक्रमे 27 अंश सेल्सिअस आणि 30 अंश सेल्सिअस राहण्याचा अंदाज आहे. आर्द्रता पातळी 47 टक्के असेल.

रायगड, रत्नागिरी आणि सिंधुदुर्ग जिल्ह्यात तुरळक ठिकाणी विजा आणि ढगांच्या गडगडटासह पावसाचा अंदाज वर्तवण्यात आला आहे. या जिल्ह्यात पुढील तीन दिवस येलो अलर्ट जारी करण्यात आला आहे.