Satish Shah : 'जाने भी दो यारो' ते 'साराभाई....' एकाच मालिकेत तब्बल 60 भूमिका, अभिनेते सतीश शाह यांचा थक्क करणारा प्रवास

यांचा जन्म 25 जून 1951 रोजी मुंबईत झाला. आपला अभिनय आणि कॉमिक टायमिंगच्या जोरावर त्यांनी हिंदी चित्रपटसृष्टीत आणि दूरदर्शनमध्ये एक खास स्थान मिळवले. चित्रपटांमध्ये छोटेखानी भूमिका असो किंवा टीव्हीवरील शो असो, त्यांनी प्रत्येक वेळी प्रेक्षकांच्या चेहऱ्यावर हास्य पसरवले.

सतीश शाहांचा जन्म मुंबईतील एका गुजराती कुटुंबात झाला. लहानपणापासूनच त्यांना अभिनयाची आवड होती. शाळा आणि कॉलेजच्या नाटकांमध्ये ते पुढे सहभागी होऊ लागले आणि याच ठिकाणाहून त्यांच्या अभिनयाची खऱ्या अर्थाने सुरुवात झाली. मुंबईसारख्या शहरात सतीशनेही आपल्या स्वप्नांना वास्तवात बदलण्याचा निर्धार केला. नॅशनल स्कूल ऑफ ड्रामा येथे ते अभिनयाच्या बारीकसारीक गोष्टी शिकले आणि रंगभूमीवर आपल्या प्रतिभेला सजवले. रंगभूमीने त्यांना असा आत्मविश्वास दिला, जो नंतर मोठ्या पडद्यावर त्यांची ओळख बनला.

सतीश शाह यांनी आपल्या करिअरची सुरुवात टेलिव्हिजनपासून केली. 1980 च्या दशकात दूरदर्शनवर प्रसारित होणारा ‘ये जो है जिंदगी’ हा शो त्यांच्या करिअरचा टर्निंग पॉइंट ठरला. या शोमधील त्यांचे पात्र आणि कॉमिक टाइमिंग यांनी त्यांना प्रसिद्धी दिली. सतीशची खासियत ही होती की ते कोणत्याही साध्या सीनला आपल्या अभिनयाने खास बनवू शकत. या शोने त्यांना प्रेक्षकांचा आवडता बनवले आणि बॉलिवूडसाठी मार्ग खुला केला.

सतीश शाह यांनी बॉलिवूडमध्ये आपली सुरुवात छोट्या-छोट्या भूमिकांपासून केली, पण त्यांच्या प्रतिभेने लवकरच त्यांना ती ओळख मिळवून दिली, ज्याचे ते हक्कदार होते. 1983 मध्ये आलेल्या ‘जाने भी दो यारों’मधील त्यांची भूमिका जरी छोटी होती, तरी त्यांनी आपल्या उपस्थितीने प्रेक्षकांचे लक्ष वेधून घेतले. हा चित्रपट आजही भारतीय सिनेमा मधील क्लासिक मानला जातो. त्यानंतर त्यांनी अनेक चित्रपटांमध्ये काम केले, ज्यामध्ये ‘मैं हूँ ना’, ‘फना’ आणि ‘ओम शांति ओम’ सारखे ब्लॉकबस्टर चित्रपटही समाविष्ट आहेत.

सतीश शाह यांनी 2004 मध्ये ‘साराभाई वर्सेस साराभाई’द्वारे प्रेक्षकांना चांगलच हसवलं. आजही त्यांचं हे पात्र प्रेक्षकांच्या लक्षात आहे. हा शो इतका लोकप्रिय झाला की त्याचा दुसरा सीझनही तयार केला गेला, जोदेखील तितकाच हिट ठरला.

सतीश शाहने फक्त अभिनयापुरतेच स्वतःला मर्यादित ठेवले नाही. 2008 मध्ये त्यांनी ‘कॉमेडी सर्कस’मध्ये अर्चना पूरन सिंहसोबत जजची भूमिका साकारली. त्यांचे मजेदार कमेंट्स आणि कॉमेडीचा अंदाज शोची जान बनला. याशिवाय, 2015 मध्ये त्यांना फिल्म अँड टेलिव्हिजन इन्स्टिट्यूट ऑफ इंडियाच्या सोसायटीचे सदस्य नेमण्यात आले.

सतीश शाह यांना 1980 मध्ये आलेल्या ये जो जिंदगी या मालिकेच्या माध्यमातून चांगलीच लोकप्रियता मिळाली. कुंदन शहा दिग्दर्शित या मालिकेत सतीश शाह यांनी 60 हून अधिक पात्रे साकारली होती. आपल्या प्रत्येक भूमिकेने त्यांनी प्रेक्षकांच्या मनावर छाप पाडली होती.