Weather Alert: मंगळवारी मुसळधार, पश्चिम महाराष्ट्रात 24 तासांसाठी अलर्ट, आजचा हवामान अंदाज

राज्यातील हवामानात सातत्याने बदल होत आहेत. आता कोकण, पूर्व विदर्भ आणि मराठवाड्यातील काही जिल्हे वगळता पावसाने उघडीप घेतल्याचे चित्र आहे. पश्चिम महाराष्ट्रात मात्र हवामानाची वेगळीच स्थिती जाणवत आहे. पुढील कोल्हापूर आणि सातारा परिसरात जोरदार पावसाची शक्यता असून यलो अलर्ट देण्यात आला आहे. जिल्हानिहाय हवामान अंदाज जाणून घेऊ.

पुणे जिल्ह्यात शिवाजीनगर परिसरात मागील 24 तासात पावसाची उघडीत राहिली. तसेच कमाल तापमानाचा पारा 30.9 अंश सेल्सिअसवर राहिला. पुढील 24 तासात संपूर्ण पुणे जिल्ह्यात हलक्या पावसाची शक्‍यता आहे. यावेळी कमाल तापमान 31 तर किमान तापमान 22 अंश सेल्सिअस इतके राहील.

सातारा जिल्ह्यात मागील 24 तासात शून्य मिलिमीटर पावसाची नोंद झाली. पुढील 24 तासात साताऱ्यातील कमाल तापमान 30 अंश सेल्सिअस राहिल. तसेच पुढील 24 तासांसाठी सातारा जिल्ह्यात एक दोन वेळा गडगडाटी पावसाची शक्यता भारतीय हवामान विभागाने वर्तवली आहे.

कोल्हापूर जिल्ह्यात गेल्या 24 तासात 0.5 मिलीमीटर पावसाची नोंद झाली. यावेळी कमाल तापमान 28.1 अंश सेल्सिअस राहिले. पुढील 24 तासात कमाल तापमान 28 अंशावर राहिल. आज कोल्हापूर जिल्ह्यात ताशी 30 ते 40 किलोमीटर वेगवान वाऱ्यासह हलक्या गडगडाटी पावसाची शक्यता हवामान विभागाने वर्तवली आहे.

सोलापूर जिल्हात मागील 24 तासात 3 मिलीमीटर पावसाची नोंद झाली. तसेच 31.5 अंश सेल्सिअस कमाल तापमानाची नोंद झाली. पुढील 24 तासात कमाल तापमान 30 अंशावर राहील. तसेच सोलापूर जिल्ह्यात गडगडाटी पावसाची शक्यता वर्तवण्यात आली आहे.

मागील 24 तासात सांगली जिल्ह्यामध्ये पावसाची उघडीप राहिली. आज एक दोन वेळा गडगडाटी पावसाची शक्यता आहे. यावेळी जिल्ह्यातील कमाल तापमान 30 तर कमान तापमान 23 अंश सेल्सिअस इतके राहील.

पश्चिम महाराष्ट्रातील सर्वच जिल्ह्यांत पावसाच्या उघडिपीसह तापमानात चढ-उतार सुरू आहे. तसेच काही जिल्ह्यांमध्ये पावसाला पुन्हा सुरुवात होण्याची शक्यता आहे. पश्चिम महाराष्ट्रातील सातारा, कोल्हापूर जिल्ह्यांना सतर्कतेचा इशारा असल्याने नागरिकांनी योग्य ती दक्षता घ्यावी.