Weather Alert: पश्चिम महाराष्ट्रात मुसळधार, पुणे ते कोल्हापूर धो धो कोसळणार, IMD चा अलर्ट

राज्यात पुन्हा पावसाला पोषक हवामान झाले आहे. बंगालच्या उपसागरातील संभाव्य कमी दाब प्रणालीमुळे राज्यात पावसाचा जोर वाढण्याची शक्यता आहे. आज 13 ऑगस्ट रोजी पश्चिम महाराष्ट्रातील हवामान अंदाज जाणून घेऊ.

पुणे जिल्ह्यातील शिवाजीनगर परिसरात मागील 24 तासात 0.3 मिलिमीटर पावसाची नोंद झाली. तसेच कमाल तापमानाचा पारा 29.2 अंश सेल्सिअसवर राहिला. पुढील 24 तासात संपूर्ण पुणे जिल्ह्यात हलक्या पावसाची शक्‍यता आहे. विजांसह पावसाची शक्यता असल्याने सतर्कतेचा यलो अलर्ट हवामान विभागाने दिला आहे.

सातारा जिल्ह्यात मागील 24 तासात शून्य मिलिमीटर पावसाची नोंद झाली. आज हवामानात मोठे बदल जाणवत असून पुढील 24 तासांसाठी विजांसह पावसाची शक्यता हवामान विभागाने वर्तवली आहे.

कोल्हापूर जिल्ह्यात मागील 24 तासात 0.2 मिलीमीटर पावसाची नोंद झाली. यावेळी कमाल तापमान 25.3 अंश सेल्सिअस राहिले. पुढील 24 तासात कमाल तापमान 27 अंशावर राहिल. तसेच कोल्हापूर घाटमाथ्यावर जोरदार पावसाची शक्यता असल्याने सतर्कतेचा यलो अलर्ट दिली आहे.

सोलापूर जिल्हात मागील 24 तासात 23 मिलीमीटर पावसाची नोंद झाली. तसेच 31.2 अंश सेल्सिअस कमाल तापमानाची नोंद झाली. पुढील 24 तासात कमाल तापमान 30 अंशावर राहिल. तसेच पुढील 24 तासात सोलापूर जिल्ह्यात विजांसह पावसाचा इशारा देण्यात आला आहे.

मागील 24 तासात सांगली जिल्ह्यामध्ये पावसाची उघडीप राहिली. पुढील 24 तासात एक दोन वेळा गडगडाटी पावसाची शक्यता आहे. यावेळी जिल्ह्यातील कमाल तापमान 29 तर कमान तापमान 23 अंश सेल्सिअस इतके राहील.

पश्चिम महाराष्ट्रातील सांगली वगळता उर्वरित जिल्ह्यांत पावसाला पोषक हवामान आहे. सांगली परिसरात पावसाच्या उघडिपीसह तापमानात चढ-उतार सुरू आहे. मात्र इतर जिल्ह्यांमध्ये पावसाला पुन्हा सुरुवात होण्याची शक्यता आहे. पश्चिम महाराष्ट्रातील सातारा, कोल्हापूर, पुणे, सोलापूर जिल्ह्यांना सतर्कतेचा इशारा असल्याने नागरिकांनी योग्य ती दक्षता घ्यावी.