Pune Crime : पुण्यात संतोष माने घटनेची पुनरावृती? चारचाकी वाहनाची 3-4 गाड्यांना धडक, एकाचा जागी मृत्यू, 3 जखमी

पुणे शहरात काही वर्षांपूर्वी संतोष माने या माथेफिरुने बसखाली 9 जणांना चिरडल्याची घटना घडली. या घटनेची पुनरावृत्ती थोडक्यात वाचली.

शहरात एका चारचाकी वाहनाने 3-4 वाहनांना उडवत पादचाऱ्यांना धडक दिली. यामध्ये एक जणाचा जागीच मृत्यू झाला असून 3 ते चारजण जखमी झाल्याचे वृत्त आहे.

नारायण पेठ पोलीस चौकीकडून चारचाकी वाहन झेड ब्रिजकडे येताना त्यांनी वाटेतील वाहनांना धडक दिली.

यामध्ये 2 रिक्षांना जोरदार धडक बसली तर काही पादचाऱ्यांना देखील उडवल्याची शक्यता आहे.

मद्यपान केलेल्या चालकाला पोलिसांनी ताब्यात घेतलं आहे. उमेश हनुमंत वाघमारे, (वय 48) असे वाहन चालकाचे नाव आहे. तर नटराज बाबुराव सूर्यवंशी (वय 44) असे गाडीमालकाचे नाव आहे.