Pune Rain: पुढील 24 तास धोक्याचे, पुण्यात मुसळधार पावसाची शक्यता, पाहा आजचा हवामान अंदाज

गेल्या दोन दिवसांपासून पावसाने राज्यात उघडीप दिली होती. मात्र आता काही भागात पुन्हा पावसाचा जोर वाढणार असल्याचे हवामान खात्याने सांगितले आहे. हवामान खात्याच्या अंदाजानुसार, काही जिल्ह्यांमध्ये विजांसह जोरदार पाऊसाची शक्यता वर्तवली आहे. पश्चिम महाराष्ट्रात 25 ऑगस्टसाठी हवामानाचा अंदाज जाणून घेऊ

ऑगस्टच्या शेवटच्या आठवड्यात कमी दाबाचे क्षेत्र तयार होत आहे. त्यामुळे राज्यात पुन्हा विजांच्या गडगडाटासह पाऊस पडण्याची शक्यता आहे. पुणे जिल्ह्यात यलो अलर्ट देण्यात आला आहे. त्यामुळे पुण्यात मुसळधार पावसाची शक्यता आहे. पुढील काही दिवस हीच स्थिती राहील.

सातारा जिल्ह्यात विजांच्या गडगडाटासह काही ठिकाणी मुसळधार पावसाचा अलर्ट देण्यात आला आहे. पुढील 5 दिवस गुजरात किनार्‍यावर वारे ताशी 40 ते 50 किमी वेगाने वाहण्याची शक्यता आहे. त्यामुळे राज्यभरात मुसळधार पावसाचा अंदाज व्यक्त करण्यात आला आहे.

आज कोल्हापूर जिल्ह्यासह घाटमाथ्यावर हलका ते मध्यम स्वरूपाचा पाऊस पडण्याची शक्यता आहे. तुरळक ठिकाणी फक्त हलक्या पावसाचीच शक्यता असून, हवामान काही प्रमाणात ढगाळ राहील.

सांगली जिल्ह्यात आज विजांसह हलका ते मध्यम पावसाची शक्यता वर्तवली आहे. त्यामुळे नागरिकांनी योग्य ते खबरदारी घ्यावी. पुढील काही दिवस हीच परिस्थिती राहणार आहे. सोलापूर जिल्ह्यात विजांचा कडकडाटासह पाऊस पडण्याची शक्यता आहे, त्यामुळे नागरिकांनी सावध राहणे गरजेचे आहे. शक्यतो महत्त्वाचे काम असेल तरच घराबाहेर पडावे.