Weather Update : राज्यात अतिमुसळधार पावसासह आणखी एक मोठं संकट; हवामान विभागाने दिला हायअलर्ट

आज काही ठिकाणी ऑरेंज अलर्ट देण्यात आला असून अतिमुसळधार पावसाचा अंदाज वर्तवण्यात आला आहे. तर, काही जिल्ह्यांमध्ये यलो अलर्ट देण्यात आला आहे.

कोकण आणि मध्य महाराष्ट्रातील जिल्ह्यांमध्ये तुरळक ठिकाणी मुसळधार पाऊस पडण्याची शक्यता आहे. तर, मराठवाड्यातील जिल्ह्यांमध्ये पावसासोबतच तुरळक ठिकाणी विजांच्या कडकडाटासह वादळ आणि सोसाट्याचा वारा वाहण्याची शक्यता वर्तवण्यात आली आहे.

रत्नागिरी आणि सिंधुदूर्ग जिल्ह्याच्या काही भागांमध्ये आज मुसळधार पावसाचा अंदाज वर्तवण्यात आला आहे. हवामान विभागाने या दोन्ही जिल्ह्यांमध्ये ऑरेंज अलर्ट जारी केला आहे.

ठाणे, मुंबई, रायगड, पुणे, कोल्हापूर, सातारा या जिल्ह्यांच्या काही भागांमध्येही आज मुसळधार पावसाचा अंदाज वर्तवण्यात आला असून यलो अलर्ट जारी करण्यात आला आहे.

राज्यातील काही जिल्ह्यांमध्ये नागरिकांना पावसासोबतच वादळी वारा आणि विजांच्या कडकडाटाचाही सामना करावा लागणार आहे.

अकोला, अमरावती, भंडारा, बुलडाणा, चंद्रपूर, गडचिरोली, गोंदिया, नागपूर, वर्धा, वाशिम, यवतमाळ या जिल्ह्यांमध्ये आज वादळी वारा आणि विजांच्या कडकडाटासह पावसाचा अंदाज वर्तवण्यात आला आहे. या सर्व जिल्ह्यांमध्ये यलो अलर्ट देण्यात आला आहे