Weather Alert: पावसाचा रविवार, धो धो कोसळणार, पुणे ते कोल्हापूर हायअलर्ट, आजचा हवामान अंदाज

बंगालच्या उपसागरातील कमी दाब प्रणालीमुळे राज्यभर पावसाचा जोर वाढत आहे. आज 17 ऑगस्ट रोजी पुणे जिल्ह्याच्या घाटमाथ्यावर मुसळधार पावसामुळे धोक्याचा रेड अलर्ट दिला आहे. तर कोल्हापूर आणि सातारा घाटमाथा परिसरात देखील अतिमुसळधार पावसाचा अंदाज आहे. पश्चिम महाराष्ट्रातील हवामान अंदाज जाणून घेऊ.

पुणे जिल्ह्यातील शिवाजीनगर परिसरात मागील 24 तासात 0.1 मिलिमीटर पावसाची नोंद झाली. तसेच कमाल तापमानाचा पारा 26.6 अंश सेल्सिअसवर राहिला. पुढील 24 तासात पुणे जिल्ह्यात हलक्या पावसाची शक्‍यता आहे. तसेच पुण्याच्या घाटमाथ्यावर मुसळधार पावसाचा अंदाज असल्याने धोक्याचा रेड अलर्ट देण्यात आला आहे.

सातारा जिल्ह्यात मागील 24 तासात 2 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 25.3 अंश सेल्सिअस राहिले. तसेच पुढील 24 तासांसाठी सातारा घाटमाथ्यावर जोरदार पावसाची शक्यता असल्याने सतर्कतेचा ऑरेंज अलर्ट जारी केला आहे. तसेच उर्वरित सातारा जिल्ह्यात एक दोन वेळा गडगडाची पावसाची शक्यता आहे.

सोलापूर जिल्हात मागील 24 तासात 6 मिलीमीटर पावसाची नोंद झाली. तसेच 25.8 अंश सेल्सिअस कमाल तापमानाची नोंद झाली. आज कमाल तापमान 28 अंशावर राहिल. तसेच पुढील 24 तासात सोलापूर जिल्ह्यात ढगाळ आकाशासह मध्यम पावसाची शक्‍यता वर्तवण्यात आली आहे.

कोल्हापूर जिल्ह्यात मागील 24 तासात 6 मिलीमीटर पावसाची नोंद झाली. यावेळी कमाल तापमान 25.8 अंश सेल्सिअस राहिले. पुढील 24 तासात कमाल तापमान 28 अंशावर राहिल. कोल्हापूर घाटमाथ्यावर जोरदार पावसाची शक्यता असल्याने सतर्कतेचा ऑरेंज अलर्ट जारी केला आहे. उर्वरित कोल्हापूर जिल्ह्यात मध्यम पावसाची शक्‍यता आहे.

गेल्या 24 तासात सांगली जिल्ह्यामध्ये 5 मिलिमीटर पावसाची नोंद झाली. तसेच कमाल तापमानात घट होवून 26 अंश सेल्सिअस तापमानाची नोंद झाली. पुढील 24 तासात हलक्या रिमझिम पावसाची शक्यता आहे. यावेळी जिल्ह्यातील कमाल तापमान 28 तर किमान तापमान 22 अंश सेल्सिअस राहील.

कोकण, घाटमाथ्यावर पावसाचा जोर वाढण्याची शक्यता आहे. पश्चिम महाराष्ट्रातील घाटमाथ्याच्या भागात पावसाचं कहर सुरू असून नागरिकांना योग्य ती काळजी घ्यावी लागेल. पर्यटनासाटी बाहेर पडण्यापूर्वी हवामान अंदाज पाहूनच निर्णय घ्यावा लागेल.