Prithvi Shaw : डबल सेंच्युरी करूनही पृथ्वी शॉवर अन्याय? रणजी सामन्यात काय घडलं?

रणजी ट्राफी स्पर्धेत आज महाराष्ट्र संघाने चंदीगड संघाचा 144 इतक्या मोठ्या धावांच्या फरकाने पराभव केला आहे.

महाराष्ट्राच्या या विजयात ऋतुराज गायकवाडने शतकीय आणि पृथ्वी शॉने द्विशतकीय खेळी करून मोलाची भूमिका बजावली होती.

ऋतुराज गायकवाडने महाराष्ट्राच्या पहिल्या डावात 116 धावांची शतकीय खेळी केली होती.तर महाराष्ट्राच्या दुसऱ्या डावात पृथ्वी शॉने 222 धावा करत डबल सेंच्यूरी केली होती.

तरी देखील ऋतुराज गायकवाडला प्लेअर ऑफ द मॅच पुरस्कार देण्यात आला होता.त्यामुळे पृथ्वी शॉवर अन्याय झाल्याचे बोलले जात आहे.

खरं पृथ्वी शॉच्या डबल सेंच्यूरीच्या बळावर महाराष्ट्र चंदीगड समोर 464 धावांचे लक्ष्य ठेवू शकला होता.त्यामुळे पृथ्वी शॉ देखील प्लेअर ऑफ द मॅचचा दावेदार होता.

पण पहिल्या डावावर रणजी सामन्याचा विजेता ठरतो,त्यामुळे ऋतुराज गायकवाडला प्लेअर ऑफ द मॅच पुरस्कार दिल्याचे समजते.

पण तसे जरी असले तरी ऋतुराज गायकवाडने मनाचा मोठेपणा दाखवत पृथ्वी शॉ सोबत प्लेअर ऑफ द मॅच पुरस्कार शेअर करण्याचा निर्णय घेतला आहे.त्यामुळे गायकवाडच्या या निर्णयाचे कौतुक होत आहे.