Ashadi Wari 2024: एका चपातीत वारकरी फुल्ल! पंढरीच्या वारीतील जम्बो चपाती पाहिली का?

या वारीमध्ये परभणीच्या महिला खूप मोठ्या आकाराच्या चपात्या बनवतात. परभणीच्या महिला ज्ञानेश्वर माऊलीच्या वारीत जणू जम्बो चपात्या बनवत आहेत. एका चपातीचे चार तुकडे करून खायला दिले जातात.

या जम्बो चपात्या पाहण्यासाठी आणि फोटो काढण्यासाठी अनेकजण गर्दी करत होतो. वर्षानुवर्षे वारीमध्ये परभणीच्या दिंड्या असतात आणि फक्त परभणीच्या महिलाच अशा प्रकारच्या चपात्या बनवतात.

रोजच्या जेवणासाठी त्यांच्याकडे 300 ते 400 वारकरी आहेत. त्यांना जेवणासाठी किमान 200 चपात्या लागतात..पीठ अंदाजे 50 किलो लागते. या चपात्या बनवण्यासाठी महिला घेत असलेले कष्ट आणि त्यांचे वेगळेपण पाहण्यासारखं आहे.

दरम्यान, आषाढी वारी मोठ्या उत्साहात पंढरीच्या दिशेने मार्गक्रम करत आहे. प्रत्येक वारकऱ्याला सावळ्या विठुरायाच्या भेटीची ओढ लागली आहे.