बापरे! तब्बल 34 वर्ष लागली, ऑस्ट्रेलियाच्या मिचेल स्टार्कने मोडला 1991 चा एतिहासिक रेकॉर्ड, कुणालाच जमलं नाही

मिचेल स्टार्कने आपल्या धारदार बॉलिंगने इंग्लंडच्या फलंदाजीला खिंडार पाडलं आणि पहिल्याच दिवशी इंग्लंडचा डाव अवघ्या 172 धावांत संपुष्टात आला.

मिचेल स्टार्कने 7 विकेट घेत 58 धावा दिल्या, ज्यामुळे इंग्लंडसमोर या 5 मॅचच्या सिरीजमध्ये मोठं आव्हान उभं राहिलं आहे. मिचेल स्टार्कने मॅचच्या पहिल्याच ओव्हरमध्ये विकेट घेण्याची आपली खासियत पुन्हा एकदा सिद्ध केली.

विशेष म्हणजे, 24 व्या वेळी स्टार्कने डावाच्या पहिल्या ओव्हरमध्ये फलंदाजाला बाद करण्याची किमया साधली आहे. ॲशेस कसोटी क्रिकेट मॅचमध्ये मायदेशात 7 विकेट घेणारा मिचेल स्टार्क हा या शतकातील दुसराच ऑस्ट्रेलियन बॉलर ठरला आहे.

याशिवाय, ऑस्ट्रेलियामध्ये ॲशेस कसोटी क्रिकेट मॅचच्या पहिल्याच दिवशी 7 विकेट घेणारा तो 1990–91 ॲशेसमधील क्रेग मॅकडर्मॉटनंतरचा पहिला बॉलर ठरला आहे. McDermott ने वाकावर 8 विकेट घेतल्या होत्या.

इंग्लंडचा 172 धावांचा डाव अवघ्या 197 बॉलमध्ये संपला, जी ऑस्ट्रेलियातील ॲशेस कसोटी क्रिकेट मॅचच्या इतिहासातील तिसरी सर्वात लहान पहिली इनिंग ठरली आहे.

यापूर्वी पर्थ येथे झालेल्या 5 कसोटी क्रिकेट मॅचमध्ये ज्या टीमने प्रथम फलंदाजी केली, त्यांनीच मॅच जिंकला आहे. मात्र, इंग्लंडने या सामनात टॉसनंतर प्रथम बॅटिंग करण्याचा निर्णय घेतला आणि त्यांना त्याचा मोठा फटका बसला.