Arshdeep Singh ने रचला इतिहास! अशी कामगिरी करणारा टीम इंडियाचा पहिला बॉलर, 18 वर्षात कुणालाच जमलं नाही

आशिया कप स्पर्धेतील ओमानविरुद्धच्या मॅचमध्ये भारतीय लेफ्ट-आर्म फास्ट बॉल अर्शदीप सिंगने टी-20 इंटरनॅशनल क्रिकेटमध्ये 100 विकेट्स घेण्याची ऐतिहासिक कामगिरी केली आहे.

यासह तो टी-20 मध्ये 100 विकेट्स घेणारा पहिला भारतीय बॉल बनला आहे. ओमानच्या डावातील शेवटच्या ओव्हरमध्ये त्याने विनायक शुक्लाची विकेट घेत हा रेकॉर्ड नावावर केला.

ओमानविरुद्धची ही मॅच अर्शदीपची 64 वी मॅच होती. या विक्रमासह त्याने भारताचा आघाडीचा स्पिनर युजवेंद्र चहलला मागे टाकले, ज्याच्या नावावर 96 विकेट्स आहेत.

अर्शदीपने 2022 मध्ये इंटरनॅशनल क्रिकेटमध्ये पदार्पण केले होते आणि अल्पावधीतच त्याने हा टप्पा गाठला. त्याने टी-20 मॅचमध्ये सातत्याने चांगली कामगिरी केली आहे, विशेषत: डेथ ओव्हरमध्ये त्याची बॉलिंग प्रभावी ठरली आहे.

अर्शदीप टी-20 मध्ये 100 विकेट्स घेणारा जगातील 25 वा आणि सर्वात वेगवान बॉलर्सपैकी एक आहे. राशिद खान याच्या नावावर टी-ट्वेंटीमध्ये सर्वाधिक विकेट्स आहेत.

सर्वात जलद 100 टी-ट्वेंटी विकेट्स घेणारा बॉलर म्हणून अर्शदीपच्या नावावर रेकॉर्ड नोंदवला गेला आहे. याआधी रिझवान बट याच्या नावावर हा रेकॉर्ड होता. तर पाकिस्तानच्या हॅरिस रौफने 69 सामन्यात अशी कामगिरी केली आहे.

दरम्यान, ओमानविरुद्ध अर्शदीप सिंगला नावाला साजेशी कामगिरी करता आली नाही. अर्शदीप सिंगला फक्त एकच विकेट नावावर केली आहे. तर सूर्याने त्याचा बचाव देखील केला आहे.