IND vs NZ : फायनल टॉसला सूर्याकडून मोठी चूक, 'हुकमी एक्क्या'ला प्लेइंग इलेव्हनमधून बाहेर केलं

अहमदाबादच्या नरेंद्र मोदी स्टेडिअमवर भारत आणि न्यूझीलंड यांच्यातील टी20 वर्ल्ड कप 2026 च्या फायनल सामन्याला सूरूवात झाली आहे.

विशेष म्हणजे यापूर्वी कोणत्याही देशाने सलग दोन वर्ल्डकप जिंकले नाही आहेत. आणि मायदेशात कोणत्याही टीमला टॉफी उचलण्याचा मान मिळाला नाही. हा मान आज भारताला मिळवण्याची संधी आहे.

दरम्यान या सामन्यात न्यूझीलंडचा कॅप्टन सॅटनरने टॉस जिंकून गोलंदाजीचा निर्णय घेतला आहे.त्यामुळे टीम इंडिया प्रथम फलंदाजीला उतरणार आहे.

हा टॉस पार पडल्यानंतर सूर्यकुमार यादवने आपल्या प्लेईंग इलेव्हनची घोषणा केली आहे. ही घोषणा एकूण सगळ्यांनाच धक्का बसला आहे.

खरं तर फायनलसाठी प्लेइंग इलेव्हनमध्ये बदल होईल असे बोलले जात होते. अभिषेक शर्मा आणि वरूण चक्रवर्तीला संघाबाहेर करण्याचे सल्ले दिले गेले होते. पण सूर्याने कुणाचेच न एकला प्लेइंग इलेव्हनमध्ये कोणताच बदल केला नाही आहे.

विशेष म्हणजे जरी अभिषेकला संघात कायम ठेवलं असलं तरी वरूणच्या जागी कुलदीप यादवला खेळवले पाहिजे होतं, असे अनेक दिग्गजांचे मत होते. पण सूर्याने कुलदीपला संघात संधी न दिल्याने हुकमी एक्का प्लेइंग इलेव्हनमधून बाहेर झाला आहे. याचा टीम इंडियाला धक्का बसणार आहे.

भारत (प्लेइंग इलेव्हन): अभिषेक शर्मा, संजू सॅमसन (विकेटकीपर), इशान किशन, सूर्यकुमार यादव (कर्णधार), टिळक वर्मा, हार्दिक पांड्या, शिवम दुबे, अक्षर पटेल, वरुण चक्रवर्ती, अर्शदीप सिंग, जसप्रीत बुमराह

न्यूझीलंड (प्लेइंग इलेव्हन): टिम सेफर्ट (विकेटकीपर), फिन ऍलन, रचिन रवींद्र, ग्लेन फिलिप्स, मार्क चॅपमन, डॅरिल मिशेल, जेम्स नीशम, मिचेल सँटनर (कर्णधार), मॅट हेन्री, लॉकी फर्ग्युसन, जेकब डफी