WPL 2026 : महाराष्ट्राच्या पोरीने अख्खी मॅच फिरवली, स्मृती मानधनाला हारलेली मॅच जिंकून दिली,प्लेऑफमध्ये दणक्यात एंन्ट्री

डब्ल्युपीएलमध्ये आज रॉयल चँलेजर्स बंगळुरूने गुजरात जाएटसचा 61 धावांनी विजय मिळवला आहे. या विजयासह आरसीबीने सलग पाच सामन्यात विजय मिळवला आहे.

या सामन्यात आरसीबीने दिलेल्या 178 धावांच्या लक्ष्याचा पाठलाग करताना गुजरात जाएटसची सुरूवात खूपच खराब झाली होती. कारण बेथ मुनी 3 वर तर सोफी डिवाईन शुन्यावर बाद झाली होती. त्यानंतर कनिका अहूजा शून्यावर गेली.

गुजरातचे झटपट तीन विकेट पडल्यावर अनुष्का शर्मा आणि अॅशले गार्डनरने डाव सावरला होता. त्यानंतर गार्डनर मैदानात काही काळ टीकून होती, पण दुसऱ्या बाजूने एकामागून एक विकेट पडत होती.

अॅशले गार्डनरले एकटीने यावेळी 54 धावांची सर्वाधिक खेळी केली. या व्यतिरीक्त कुणालाही मोठ्या धावा करता न आल्याने गुजरातचा डाव 117 वर 8 विकेट पर्यंत मजल मारू शकला. आणि त्यांचा 61 धावांनी पराभव झाला.

आरसीबीच्या या विजयाची शिल्पकार गौतमी नाईक ठरली आहे. कारण आरसीबीच्या संघाची देखील अशीच अवस्था झाली.

पण गौतमी नाईकने एकटीने झूंज देऊन सर्वाधिक 73 धावा केल्या. तिच्या याच धावांमुळे आरसीबी 178 धावांपर्यंत मजल मारू शकली होती.

गौतमी नाईकच्या याच वादळी खेळीमुळे आरसीबीला हा पाचवा विजय मिळवता आला आहे. तर गुजरातला सलग तिसऱ्या पराभवाला सामोरे जावे लागले आहे.