जबरदस्त! या तरूणाने 'असं' किट बनवलं की, परदेशातून वाढलीय मागणी; करोडोंची होतीय कमाई 

दिल्लीच्या दीपक खत्री नावाच्या मुलाने भारतात पहिलं 'डू इट युवरसेल्फ' (DIY) न्यूरोसायन्स किट बनवलं आहे! हे किट मेंदू आणि स्नायूंकडून येणारे सिग्नल्स रेकॉर्ड करतं. सध्या परदेशातही या किटची मागणी खूप वाढली आहे आणि याच्या विक्रीतून दीपक कोट्यवधी रुपये कमवत आहे.

दीपकने स्वतःच हे न्यूरोसायन्स किट तयार केलं आहे आणि 'अप-साइड डाऊन लॅब्स' नावाचं स्वतःचं स्टार्टअपही चालवत आहे. भारतात असं किट बनवणारा दीपक पहिला व्यक्ती आहे.

2016 मध्ये, दिल्लीतील नेताजी सुभाष इन्स्टिट्यूट ऑफ टेक्नॉलॉजीमध्ये इंजिनीअरिंगच्या अभ्यासादरम्यान त्याने एक टेड टॉक पाहिलं होतं. त्या व्हिडिओमध्ये न्यूरोसायंटिस्ट ग्रेग गेज यांनी DIY न्यूरोसायन्स किटच्या मदतीने दुसऱ्या व्यक्तीचा हात नियंत्रित करून दाखवला होता. याच गोष्टीने दीपकला हे किट बनवण्याची प्रेरणा मिळाली.

हे खास किट कोणत्याही व्यक्तीच्या हृदयाचे (ECG), स्नायूंचे (EMG), डोळ्यांचे (EOG) आणि मेंदूचे (EEG) बायोपोटेन्शियल सिग्नल्स रेकॉर्ड करू शकतं. याचा उपयोग दिव्यांग व्यक्तींना मदत करण्यासाठी होऊ शकतो. लहान मुलांना रोबोटिक्स, कॉम्प्युटर सायन्स आणि इलेक्ट्रॉनिक्स शिकवण्यासाठीही याचा वापर होतो.

या किटमुळे मेंदूने दिलेल्या सूचनांवर खरंच डिव्हाइस नियंत्रित होतं. उदाहरणार्थ, DIY किटला जोडलेल्या सेन्सर्सच्या मदतीने केवळ हाताच्या हालचालींनी लॅपटॉपवर गेम्स खेळता येतात.

दीपकने बनवलेल्या या किटची मागणी आंतरराष्ट्रीय स्तरावर पोहोचली आहे. 22 हून अधिक देशांमध्ये या किटचे ऑर्डर्स येत आहेत. हे किट Amazon India वर उपलब्ध आहे, जिथे बेसिक किटची किंमत 5899 रुपये आणि ॲडव्हान्स्ड किटची किंमत 8799 रुपये आहे.

दीपकने गेल्या वर्षी आपल्या स्टार्टअपमधून 70 लाख रुपयांचा महसूल मिळवला आणि या वर्षी त्याचा 2 कोटी रुपयांचा व्यवसाय करण्याचे ध्येय आहे. दीपक खत्रीसारखे तरुण भारतीय नविनता आणि तंत्रज्ञानाच्या क्षेत्रात एक नवं पर्व लिहित आहेत,