Reliance Jioचा नवा धमाका! स्मार्टफोनमध्ये आता स्टोरेज कमी पडणारच नाही

रिलायन्स जिओ ही देशातील सर्वात मोठी टेलिकॉम कंपनी आहे. जिओचे सध्या 46 कोटींहून अधिक यूझर्स आहेत. जिओ आपल्या ग्राहकांच्या गरजा आणि सोयींची चांगली काळजी घेते. हेच कारण आहे की, कंपनी वेळोवेळी नवीन रिचार्ज प्लॅनसह नवीन सर्व्हिस सुरू करत राहते. जिओने त्यांच्या रिचार्ज प्लॅनमध्ये एक नवीन सुविधा देण्यास सुरुवात केली आहे. 

रिलायन्स जिओने त्यांच्या रिचार्ज प्लॅनमध्ये AI Cloud Storageची सुविधा सुरू केली आहे. कंपनीच्या या नवीन सुविधेमुळे कोट्यवधी स्मार्टफोन यूझर्सना मोठा दिलासा मिळाला आहे. आता कमी स्टोरेज असलेल्या स्मार्टफोनमध्येही डेटा स्टोरेजबाबत कोणताही ताण राहणार नाही. 

jioने एक उत्तम ऑफर आणली आहे : रिलायन्स जिओ प्रीपेड आणि पोस्टपेड दोन्ही ग्राहकांना एआय क्लाउड स्टोरेजची सुविधा देत आहे. कंपनीने 2024 च्या वार्षिक सर्वसाधारण सभेत या सेवेची घोषणा केली होती. आता कंपनीने ते उपलब्ध करून देण्यास सुरुवात केली आहे. ही सेवा कंपनीच्या AI Everywhere For Everyone या दृष्टिकोनाचा भाग आहे. 

जेव्हा कंपनीने याची घोषणा केली तेव्हा यूझर्सना AI क्लाउड स्टोरेजमध्ये 100GB पर्यंत स्टोरेज मिळेल अशी माहिती देण्यात आली होती. सध्या, कंपनी त्यांच्या रिचार्ज प्लॅनमध्ये 50GB पर्यंत एआय क्लाउड स्टोरेज देत आहे. कंपनी तिच्या अनेक प्लॅनमध्ये अतिरिक्त फायदा म्हणून हे देत आहे. जिओचे प्रीपेड आणि पोस्टपेड दोन्ही यूझर्स याचा फायदा घेऊ शकतात. 

या प्लॅनमध्ये एआय क्लाउड स्टोरेज उपलब्ध आहे : जिओ त्यांच्या बहुतेक रिचार्ज प्लॅनमध्ये एआय क्लाउड स्टोरेज मोफत देत आहे. कंपनी तिच्या दोन्ही अॅन्युअल प्लॅनमध्ये 50GB पर्यंत AI Cloud Storage देत आहे. याशिवाय, 999 रुपये आणि 899 रुपयांचे प्लॅन जे अनुक्रमे 98 दिवस आणि 90 दिवसांच्या व्हॅलिडिटीसह येतात. ते 50GB एआय क्लाउड स्टोरेज देखील देतात.

कंपनी 1299 रुपयांच्या रिचार्ज प्लॅनमध्ये एआय क्लाउड स्टोरेज देखील देत आहे. या प्लॅनमध्ये नेटफ्लिक्स देखील ऑफर केले जात आहे. जिओच्या 1029 रुपयांच्या अमेझॉन प्राइम प्लॅनमध्ये 50GB AI Cloud Storage देखील देण्यात येत आहे.