QR Codeचा फूल फॉर्म काय? ते कसे काम करते? एका क्लिकवर घ्या जाणून

नवी दिल्ली: QR कोड, जे आपण आज सर्वत्र पाहतो, ते आपल्या दैनंदिन जीवनाचा एक महत्त्वाचा भाग बनले आहेत. डिजिटल पेमेंट असो, प्रोडक्टची माहिती असो, वेबसाइटशी लिंक असो किंवा इतर कोणत्याही डिजिटल सेवेचा वापर असो. QR कोडने आपले डिजिटल जग सोपे आणि सुलभ बनवले आहे.

स्मार्टफोनच्या या युगात QR कोडमुळे डिजिटल क्रांती वेगाने वाढली आहे आणि आज हे तंत्रज्ञान आपल्या जीवनाचा अविभाज्य भाग बनले आहे.

या कोडमध्ये लहान काळ्या आणि पांढऱ्या चौकोनी बॉक्समध्ये बरीच माहिती लपलेली आहे जी स्मार्टफोन किंवा इतर कोणत्याही स्कॅनरद्वारे सहज वाचता येते.

QR कोड हा 2D कोड आहे, जो मॅट्रिक्स फॉर्मेटमध्ये माहिती स्टोअर करतो. यामध्ये, माहिती Horizontal आणि Vertical सेट केली जाते. ज्यामुळे ती बारकोडपेक्षा अधिक डेटा संचयित करण्यास सक्षम बनते.

जेव्हा आपण आपल्या स्मार्टफोनचा कॅमेरा QR कोडवर फोकस करतो, तेव्हा इनबिल्ट QR स्कॅनर किंवा कॅमेऱ्यातील QR स्कॅनिंग ॲप ते डीकोड करते आणि आपल्याला त्या माहितीपर्यंत त्वरित पोहोचवते.

URL, टेक्स्ट, ईमेल अॅड्रेस, फोन नंबर यासारखी अनेक प्रकारची माहिती QR कोडमध्ये स्टोअर केली जाऊ शकते. डिजिटल पेमेंटसाठी, QR कोडमध्ये बँक अकाउंटची माहिती, UPI आयडी किंवा व्हर्च्युअल पेमेंट पत्ता यासारखे डिटेल्स असतात जे पेमेंट प्रक्रिया सुलभ करते.

QR कोडचा फूल फॉर्म 'Quick Response' कोड आहे. हे 1994 मध्ये डेन्सो वेव्ह या जपानी कंपनीने विकसित केले होते आणि ते स्कॅन करण्यासाठी आणि माहिती जलद अॅक्सेस करण्यासाठी विशेषतः डिझाइन केले होते.