Akshaya Tritiya Chanakya Niti - अक्षय्य तृतीयेला बायकोला सोनं नाही दिलंत तरी चालेल पण 'हे' गिफ्ट द्या; खूश झालीच समजा

पत्नीला खूश, आनंदी, समाधानी कसं ठेवायचं हा पतीसमोर असलेला सर्वात मोठा प्रश्न. यासाठी काही पुरुष काय काय नाही करत. पण आचार्य चाणक्य यांनी <a href="https://news18marathi.com/tag/chanakya-niti/">चाणक्यनीती</a>मध्ये पत्नीला आनंदी ठेण्याचे उपाय दिले आहेत. पुरुषाची कोणती क्षमता स्त्रीला संतुष्ट करते हे चाणक्य यांनी सांगितलं आहे.

जबाबदार - चाणक्य नीतीमध्ये असं म्हटले आहे की पुरुषांनी नेहमी त्यांच्या जबाबदाऱ्या पार पाडल्या पाहिजेत. असे पुरुष त्यांच्या पत्नीला प्रिय असतात. पत्नीला शारीरिक आणि मानसिकरित्या समाधानी ठेवण्याची जबाबदारी तुमची आहे.

सतर्कता - पतीने सदैव सतर्क राहावं. किंचितही हालचाल झाली तरी झोपेतही जाग यायला हवी. थोड्याशा हालचालीनेही जाग येऊन विचारपूस करणारे पुरुष महिलांना आवडतात.

निष्ठा - पुरुषांनीही त्यांच्या पत्नीशी एकनिष्ठ असले पाहिजे. जे पुरुष कोणत्याही अनोळखी स्त्रीला पाहून डगमगत नाहीत, असे पुरुष महिलांना आवडतात. एकनिष्ठ पतीवर पत्नी खूप प्रेम करते.

शौर्य - महिलांना वीर पुरुष खूप आवडतात. त्यामुळे पुरुषांनी कोणत्याही परिस्थितीत आपली पत्नी, मुलं आणि कुटुंबाची रक्षा करावी. वीर पुरुषाच्या पत्नीला नेहमी आपल्या पतीचा अभिमान वाटतो. (सर्व फोटो प्रतीकात्मक)