Mobile Interesting Facts : एक मोबाईल फोन दुसऱ्या फोनचा Hotspot आपोआप कसा ओळखतो?

आजकाल अनेक स्मार्टफोनमध्ये Auto‑Hotspot, Instant Hotspot, Automatic Wi‑Fi Sharing अशा सुविधा आहेत. म्हणजे तुमचा फोन दुसरं डिव्हाइस नेटवर्क शोधतो आणि तात्काळ कनेक्ट होण्याचा पर्याय देतो.

जेव्हा तुमचा फोन Wi‑Fi चालू असतो, तेव्हा तो आसपासचे नेटवर्क शोधण्यासाठी सतत स्कॅनिंग करतो. हे फक्त सार्वजनिक वाय‑फाय नेटवर्कच नाहीत, तर तुमच्या मित्राचे मोबाईल हॉटस्पॉटदेखील असू शकतं. नेटवर्कचे नाव (SSID) आणि इतर माहिती हे सेल्फ-प्रसारित बिकॉन फ्रेम्स वापरून मिळवलं जातं.

जर तुम्ही पूर्वी एखाद्या फोनचा हॉटस्पॉट वापरलेला असेल, SSID + पासवर्ड सेव्ह केलेले असेल तर तुमचा फोन तो SSID ओळखतो आणि Auto Join सेटिंग सक्रिय असेल तर तो आपोआप कनेक्ट होऊ शकतो.

काही Android फोनमध्ये क्रॉस डिव्हाइस सर्व्हिस नावाचं फीचर असतं. जर दोन्ही डिव्हाइसेसमध्ये हे फीचर  असेल, तर  Instant Hotspot सक्षम होऊ शकतो. तुमचा फोन नजिक असलेला दुसरा फोन तपासतो आणि जर तो इंटरनेट शेअर करत असेल तर कनेक्शनसाठी सूचना पाठवतो.

काही सेटिंग्जमध्ये Bluetooth देखील वापरला जातो. हॉटस्पॉट देणारा फोन ब्लूटूथद्वारे जवळचा फ्रेंडली डिव्हाइस शोधू शकतो आणि मग Wi‑Fi नेटवर्क तयार करून तो दुसऱ्या डिव्हाइसला दिसू शकतो.