JCB कितीला मिळतो? कोण विकत घेऊ शकतो? चालवायला वेगळं लायसन्स लागतं का? संपूर्ण माहिती

आजच्या बांधकाम क्षेत्रात JCB, बुलडोजर, एक्स्कॅव्हेटर, बॅकहो लोडर अशी भारी यंत्रं पाहायला मिळतात. रस्ते बांधकाम, प्लॉट लेव्हलिंग, फार्महाऊस डेव्हलपमेंट, डोंगर कापकाम, खड्डे खोदकाम किंवा मोठ्या प्रोजेक्टचं काम असो… अशी यंत्रं कामाला अफाट गती देतात. पण सर्वसामान्यांना या संदर्भात काही कॉमन प्रश्न पडतात, ते म्हणजे JCB किंवा बुलडोजरची किंमत नक्की किती असते? कोण विकत घेऊ शकतो? आणि हे चालवण्यासाठी वेगळं लायसन्स लागतं का? चला याच प्रश्नाची उत्तरं सविस्तर जाणून घेऊ.

JCB / बुलडोजरची किंमत किती असते?भारतात JCB किंवा बुलडोजरची किंमत मॉडेल, क्षमतेनुसार आणि कंपनीनुसार बदलते. साधारण श्रेणी अशी दिसते:-बॅकहो लोडर (JCB 3DX सारखे): ₹28 लाख ते ₹38 लाख-मिनी एक्स्कॅव्हेटर: ₹18 लाख ते ₹28 लाख-मध्यम क्षमता एक्स्कॅव्हेटर: ₹40 लाख ते ₹65 लाख-हाय-एन्ड बुलडोजर / हेवी एक्स्कॅव्हेटर: ₹75 लाख ते ₹1.5 कोटींपर्यंत

याशिवाय RTO रजिस्ट्रेशन, इन्शुरन्स, सर्व्हिसिंग आणि डिलिव्हरी चार्जेसमुळे एकूण किंमत काही लाखांनी वाढू शकते. अनेक कंपन्या EMI आणि फायनान्सिंगची सुविधाही देतात, त्यामुळे छोटे कॉन्ट्रॅक्टरही ही यंत्रं घेऊ शकतात.

JCB किंवा बुलडोजर कोण विकत घेऊ शकतं?प्रत्यक्षात भारतात कोणत्याही व्यक्ती किंवा कंपनीला हे यंत्र विकत घेण्याची मुभा आहे. हे घेण्यासाठी कोणताही विशेष परवाना, डिग्री किंवा कंत्राटदाराचा परवाना लागतो असं नाही.

हे यंत्र सहसा कन्स्ट्रक्शन कंपन्या, रोड / इन्फ्रास्ट्रक्चर कॉन्ट्रॅक्टर, फार्महाऊस / प्लॉट डेव्हलपर्स, खाणकामाशी संबंधित उद्योग, पर्सनल वापरासाठी जमीन विकास करणारे व्यक्ती सारखे लोक विकत घेतात.

JCB किंवा बुलडोजर चालवण्यासाठी वेगळं लायसन्स लागतं का?होय. अशा भारी वाहनांसाठी Commercial / Heavy Vehicle License आवश्यक असतं. यात सहसा "HPMV" किंवा "HMV" लायसन्स प्रकारात ही यंत्रं येतात.

लक्षात ठेवा साधं LMV (कारचं) लायसन्स पुरेसं नाही. हे चालव्यासाठी ड्रायव्हरकडे खास ट्रेनिंग असणं गरजेचं. बहुतेक कंपन्या अनुभव असलेल्या ऑपरेटरलाच काम देतात. मालकाला स्वतः लायसन्स नसले तरी, मशीन चालवणाऱ्या ऑपरेटरकडे हेवी मशीन लायसन्स असणं अनिवार्य आहे.

JCB आणि बुलडोजर ही महागडी पण अत्यंत उपयुक्त मशीनरी असून बांधकाम क्षेत्रात त्यांची मागणी प्रचंड आहे. कोणत्याही सामान्य व्यक्तीला हे मशीन विकत घेणं पूर्णपणे कायदेशीर आहे; मात्र, ते चालवण्यासाठी प्रशिक्षित आणि लायसन्सधारक ऑपरेटर लागतो. योग्य मॉडेल, फायनान्सिंग आणि अनुभवी ऑपरेटर मिळाला तर हे यंत्र काही वर्षांतच चांगला रिटर्न देतं.