Ghibli Meaning : घिबली ट्रेंड फॉलो करताय, पण याचा अर्थ काय माहितीये?

सोशल मीडियावर सध्या घिबलीने धूमाकूळ घातला आहे. जो तो घिबली ट्रेंड फॉलो करतो आहे. इन्स्टाग्राम असो, फेसबुक असो वा ट्विटवर पाहावं तिथं घिबली इमेजचा अक्षरश: पूर आला आहे, असं म्हणायला हरकत नाही.

प्रत्येक जण जॅट जीपीटी वरून आपली घिबली स्टुडिओ इमेज बनवून सोशल मीडियावर अपलोड करत आहे. पण हे घिबली काय आहे? याचा अर्थ काय? याचा विचार तुम्ही केला आहे का?

घिबली तुमच्यासाठी नवीन आहे पण याची सुरुवात 1985 मध्येच झाली. घिबली आर्टच्या मदतीने माइ नेबर टोटरो, स्पिरिटेड अवे आणि प्रिन्सेस मोनोनो अशा कित्येक फिल्म्स बनवण्यात आल्या आहेत.

घिबली शब्दचा अर्थ आहे गरम, वेगवान आणि काही उष्ण हवा. घिबलीचा अर्थ हवा देणं. हा शब्द वाळवंटात वाहणाऱ्या हवेसाठी वापरला जातो.

घिबली स्टुडिओचे को-फाऊंडर आणि चीफ डायरेक्टर हयाओ मियाजाकी यांनी अॅनिमेशन सेक्टरला एक नवीन हवा देण्याचा प्रयत्न केला.