OMG! महिलेने एकाच वेळी दिला होता 9 बाळांना जन्म, गिनीज रेकॉर्डही झाला; आता 2 वर्षांनंतर...

आजवर तुम्ही जुळी, तिळी मुलं झाल्याचं पाहिलं असेल. पण एका महिलेने दोन-तीन नव्हे तर तब्बल 9 बाळांना एकाच वेळी जन्म दिला होता. या महिलेचा गिनीज वर्ल्ड रेकॉर्डही झाला होता.

हलीमा सिसे असं या महिलेचं नाव. 4 मे 2021 रोजी मोरक्कोतील एका रुग्णालयात तिने 9 बाळांना जन्म दिला होता. त्यातील 5 मुली आणि 4 मुलं आहेत.

बाळांचा जन्म झाला त्यावेळी त्याचं वजन प्रत्येकी 500 ग्रॅम ते एक किलोग्रॅमच्या दरम्यान होतं. प्री-मॅच्युअर असल्याने महिनाभर ही मुलं रुग्णालयातच होती.

एकाच वेळी सर्वाधिक मुलांना जन्म देणारी महिला म्हणून हलीमाचा वर्ल्ड रेकॉर्डही झाला. गिनीज बुकमध्ये तिची नोंद आहे.

हलीमा आणि तिचा नवरा अब्दुलाये डायलो आपल्या कुटुंबाचे फोटो सोशल मीडियावर पोस्ट करतात. आता ही सर्व मुलं दोन वर्षांची झाली आहे. 9 मुलांसह त्यांचं हे कुटुंब आता असं दिसतं. 9 मुलांसह हे कपल आनंदात राहत आहे (सर्व फोटो - इन्स्टाग्राम)