या कारमध्ये सात प्रवासी प्रवास करत होते. या भीषण अपघातात कारमधील दोघांचा जागीच मृत्यू झाला आहे. तर, पाच जण गंभीर जखमी झाले आहेत. जखमींना सोमाटणे फाट्यावरील पवना हॉस्पिटलमध्ये उपचारासाठी दाखल करण्यात आलं आहे. मयुरी थोरात आणि सुनील थोरात अशी या अपघातात मृत्यू झालेल्या दोघांची नावं आहेत.
Accident : गाडीची ऑटोला भीषण धडक, 8 जण जागीच ठार, 6 गंभीर जखमी
advertisement
तर अक्षय थोरात, दत्तात्रय थोरात, तेजल थोरात, श्रद्धा थोरात आणि राजीव थोरात हे पाचजण या अपघातात गंभीर जखमी झाले आहेत . शिरगाव परंदवाडी पोलिसांनी दिलेल्या प्राथमिक माहितीनुसार, थोरात कुटुंबीय मुंबईवरून पिंपरी-चिंचवडच्या दिशेने निघाले होते. मात्र एक्स्प्रेस वेवरील कामशेत बोगदा क्रॉस केल्यावर गाडी ओव्हटटेक करण्याच्या नादात कारने कंटेनरला मागून धडक दिली. या अपघातामुळे थोरात कुटुंबावर शोककळा पसरली आहे.
बिहारमध्येही भीषण अपघात -
बिहारच्या लखीसरायमध्येही भीषण अपघातात ८ जणांचा जागीच मृत्यू झाला आहे. तर ६ जण गंभीर जखमी झाले आहेत. बिहरौरा गावात ही घटना घडली असून अज्ञात वाहनाने ऑटोला जोराची धडक दिली. यात ऑटोचा चक्काचूर झाला. लखीसराय-सिकंदरा मुख्य मार्गावर बिहरौरा गावाजवळ हा अपघात झाला. ऑटोमधून १५ जण प्रवास करत होते. त्यापैकी ८ जणांचा जागीच मृत्यू झाला. जखमींची प्रकृती चिंताजनक आहे. जखमी लोकांना उपचारासाठी रुग्णालयात दाखल केलं आहे.