TRENDING:
डॉ. गणेश राख हे मूळचे सोलापूर जिल्ह्याच्या करमाळा तालुक्यातील आहेत. त्यांनी गेल्या 14 वर्षांत 2,500 हून अधिक बाळांची मोफत प्रसूती केली आहे आणि त्यांच्या या कार्याची दखल अनेकांनी घेतली आहे. डॉ. गणेश राख यांनी ही चळवळ सुरू केली तेव्हा त्यांना मित्र आणि कुटुंबाकडून काही प्रमाणात विरोध झाला. पण काही काळानंतर त्यांच्या निश्चय पाहून कुटुंबाने आणि मित्रमंडळींनी त्यांना पाठिंबा दिला.
advertisement
तर अशी झाली या संकल्पनेची सुरुवात
14 वर्षांपूर्वी डॉ. गणेश राख यांनी या चळवळीला सुरुवात केली. त्यांनी हॉस्पिटल सुरू केल्यानंतर त्यांना अनेक अनुभव आले. यामध्ये मुलगा जन्माला तर परिवार आनंद उत्सव साजरा करायचं. खुशीने बिल सुद्धा द्यायचे. मात्र, याउलट मुलगी झाली की मातेला आणि मुलीला भेटायला सुद्धा कुटुंबातील लोक येत नसायचे. बिल देण्यासाठी टाळाटाळ केली जायची. त्यामुळे डोक्यात एक कल्पना आली कुटुंब जर मुलीच्या जन्माचे स्वागत करत नसेल तर आपण हॉस्पिटलच्या वतीने मुलीच्या जन्माचे जंगी स्वागत करायचं आणि एकही रुपया फी घ्यायची नाही असं ठरलं आणि ही चळवळ सुरू झाली असं डॉ. गणेश राख यांनी सांगितलं.
मुलगी जन्माला आली की हॉस्पिटलमध्ये मोठं सेलिब्रेशन
डॉ. गणेश राख यांच्या हॉस्पिटलमध्ये ज्यादिवशी मुलगी जन्माला येते त्याच दिवशी हॉस्पिटलमधील सर्व कर्मचारी एकत्र येत मोठं सेलिब्रेशन करतात. मुलीच्या संपूर्ण कुटुंबियांचा छोटा सत्कार केला जातो. हॉस्पिटल देखील सजवण्यात येतं. कर्मचारी आणि मुलीचं कुटुंबीय मिळून केक कापण्यात येतो.