मिळालेल्या माहितीनुसार, शरद मोहोळ याच्यावर आज पुण्यात कोथरूड इथं जीवघेणा हल्ला करण्यात आला होता. अज्ञात हल्लेखोरांनी मोहोळेवर बेछुट गोळीबार केला. या गोळीबारात मोहोळला चार गोळ्या लागल्याची माहिती समोर आली आहे. त्याला तातडीने वनाज सह्याद्री रुग्णालयात दाखल करण्यात आलं होतं. मात्र, तिथं उपाचार सुरू असताना त्याचा मृत्यू झाला. या घटनेमुळे पुण्याच्या गुन्हेगारी क्षेत्रात खळबळ उडाली आहे.
advertisement
काही महिन्यापूर्वीच शरद मोहोळ याची पत्नी हिने भाजपमध्ये प्रवेश केला होता. तर शरद मोहोळ ही अनेक हिंदुत्ववादी संघटनाच्या व्यासपिठावर उघडपणे वावरत होता. आज त्याच्या लग्नाचाही वाढदिवस होता. दुपारी सुतारदरा येथील राहत्या घरून तो दुचाकीवरून बाहेर पडला, तेव्हा चार हल्लेखोरानी त्याला घेरून जबरदस्त गोळीबार केला. यातल्या चार गोळ्या मोहोळ याला लागल्यात. त्याच्यावर वनाज येथील सह्याद्री हॅास्पिटलमध्ये उपचार सुरू होते.
वाचा - शरद मोहोळचा झाला गेम, लग्नाच्या वाढदिवशी घरासमोरच गोळ्या झाडल्या, घटनास्थळाचे PHOTOS
कोण आहे शरद मोहोळ?
पुण्यातील कुख्यात गुंड म्हणून मोहोळची ओळख आह. शरद मोहोळ या टोळीने सरपंचाचा अपहरण करुन खंडणी उकळल्या प्रकरणी पोलिसांनी त्याला अटक केली होती. मोहोळ आणि आलोक भालेरावला येरवडा कारागृहातील अंडा सेलमध्ये ठेवण्यात आले होते. त्यावेळी त्याने दहशतवादी कातिल सिद्दीकी याचा नाडीने गळा आवळून खून केला होता. मोहोळ आणि त्याचा साथीदार आलोक भालेराव या दोघांनी 2012 मध्ये कातील सिद्दीकीचा येरवडा जेलमध्ये खून केल्याचा आरोप आहे. या खटल्यातून त्याची पुराव्या अभावी निर्दोष मुक्तता करण्यात आली आहे. एवढंच नाहीतर शरद मोहोळवर याशिवाय मोक्का अनव्यये अनेक गंभीर गुन्हे दाखल आहेत.