Sharad Mohol : शरद मोहोळचा झाला गेम, लग्नाच्या वाढदिवशी घरासमोरच गोळ्या झाडल्या, घटनास्थळाचे PHOTOS

पुण्यातला कुख्यात गॅंगस्टर शरद मोहोळवर गोळीबार करून जीवघेणा हल्ला करण्यात आला आहे. शरद मोहोळ राहत असलेल्या कोथरूडच्या सुतारदरा परिसरात सव्वा एक वाजण्याच्या सुमारास हा हल्ला झाला. या हल्ल्यात मोहोळ याला चार गोळ्या लागल्या असून त्याचा मृत्यू झाला.

शरद मोहोळ हा येरवडा कारागृहात असताना जर्मन बेकरी बॅाबस्फोटात संशयित आरोपी मोहम्मद कातिल सिद्दीकीची गळा दाबून हत्या केल्यानंतर प्रकाशझोतात आला होता. त्यानंतर त्याची या गुन्ह्यातून निर्दोष सुटका झाली होती.

पुण्यातील कुख्यात गुंड म्हणून मोहोळची ओळख आहे. शरद मोहोळ या टोळीने सरपंचाचा अपहरण करुन खंडणी उकळल्या प्रकरणी पोलिसांनी त्याला अटक केली होती.

मोहोळ आणि त्याचा साथीदार आलोक भालेराव या दोघांनी 2012 मध्ये कातील सिद्दीकीचा येरवडा जेलमध्ये खून केल्याचा आरोप होता.

खटल्यातून त्याची पुराव्या अभावी निर्दोष मुक्तता करण्यात आली आहे. एवढंच नाहीतर शरद मोहोळवर याशिवाय मोक्का अनव्यये अनेक गंभीर गुन्हे दाखल आहेत.

काही महिन्यापूर्वीच शरद मोहोळ याची पत्नी हिने भाजपमध्ये प्रवेश केला होता. तर शरद मोहोळ ही अनेक हिंदुत्ववादी संघटनाच्या व्यासपिठावर उघडपणे वावरत होता. आज त्याच्या लग्नाचाही वाढदिवस होता.