Sattu drink : उन्हाळ्यात प्रोटीनसाठी सत्तूचं सरबत पिता? डाएटिशियनने सांगितली पिण्याची योग्य पद्धत..

सत्तू शरीराला प्रथिने देण्यासोबतच शरीराला ऊर्जाही देते. सत्तू पोटाला थंड ठेवते. हे प्यायल्यानंतर बराच काळ पोट भरल्यासारखे वाटते. या सर्व फायद्यांसाठी उन्हाळ्यात सत्तूचं सरबत पिणं खूप फायदेशीर मानलं जातं. मात्र योग्य पद्धतीनं सत्तूचं सेवन न केल्यास तुम्हाला समस्यांचा सामना करावा लागू शकतो.

डायटिशियन सोनिया नारंग यांनी सांगितले की, व्हे प्रोटीनच्या एका स्कूपमधून तुम्हाला 25 ग्रॅम प्रोटीन मिळू शकते, तर 100 ग्रॅम सत्तू पावडरमधूनही तुम्हाला तितकेच प्रोटीन मिळते. मात्र व्हे प्रोटीनमध्ये फायबरचं प्रमाण कमी असतं. त्यामुळे ते सहज शरीरात शोषलं जातं आणि पचतंही. याउलट सत्तूमध्ये फायबरचं प्रमाण जास्त असल्यामुळे ते शरीरात शोषलं जाण्यास वेळ लागतो. यामुळे पचण्यासही वेळ लागतो.

एकावेळी तुम्हाला जितकं सत्तूचं सरबत प्यायचं असेल ते दिवसभरात घोट घोट करू प्या. यामुळे ते शरीरात पचायला पुरेसा वेळ मिळतो. यापद्धतीनं तुमची प्रोटीनची गरजही पूर्ण होते आणि तुम्हाला कसलाच त्रासही होत नाही.

म्हणूनच प्रोटीनसाठी असो की पोषण आणि थंडाव्यासाठी, उन्हाळ्यात सत्तू सरबत नक्की प्या. पण ते पिताना या गोष्टींची काळजी नक्की घ्या. म्हणजे तुमच्या शरीराला याचे फायदे जास्त मिळतिल आणि काही दुष्परिणामही होणार नाहीत.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.