पीएमपी'मधून उतरत होती तरुणी; चालकाने केला दरवाजा बंद अन्...पुण्यातील काळजाचा थरकाप उडवणारी घटना

साठे बिस्किट चौक येथे तरुणी बसमधून खाली उतरत असताना चालकाने लक्ष न देता अचानक दरवाजा बंद केला. यामुळे तरुणीच्या शरीराचा काही भाग दरवाजा आणि बीआरटीच्या प्लॅटफॉर्मच्या अरुंद जागेत अडकला. यावेळी तरुणी गंभीर जखमी होण्याचा धोका होता. परंतु, बसमधील आणि प्लॅटफॉर्मवरील सहप्रवाशांनी तत्काळ धाव घेऊन तिला ओढून सुरक्षितपणे बाहेर काढलं.

पुण्यात मध्यरात्री थरार! जावयाची सासूला लाथाबुक्क्यांनी मारहाण, भिंतीवर आदळलं डोकं, वादाचा भयंकर शेवट

advertisement

चालकाचा दोष असल्याचा आरोप

या घटनेनंतर संतप्त झालेल्या तरुणीने आणि तिच्या आईने बस चालकाच्या निष्काळजीपणावर जोरदार टीका केली आहे. बस चालकाने प्रवासी पूर्णपणे उतरले आहेत की नाही, हे न पाहताच दरवाजा बंद केल्यामुळे हा धोकादायक प्रसंग घडला, असं त्यांचं म्हणणं आहे. बीआरटी मार्गात अशा घटना वारंवार घडत असून, प्रवाशांच्या सुरक्षिततेकडे पीएमपी प्रशासनाने गांभीर्याने लक्ष द्यावं, अशी मागणी या घटनेनंतर जोर धरत आहे.

पुण्यात पुन्हा अपघात

दरम्यान पुण्यात अपघातांचं प्रमाण दिवसेंदिवस वाढत आहे. अशातच आज पुन्हा एका अपघाताची घटना समोर आली आहे. या विचित्र अपघातात 6 ते 7 वाहने एकमेकांना धडकली. येरवड्यातील गोल्फ चौक उड्डाणपूल नजीक ही घटना घडली . सुदैवाने अपघातात जीवितहानी झाली नसल्याची माहिती समोर आली आहे. परंतु दहा ते बारा जण किरकोळ जखमी झाले आहेत