Pune Crime : चोरांच्या भीतीनं पिंपात लपवले दागिने; पण घरी आलेल्या मैत्रिणीनंच केलं कांड, पुण्यातील घटना

याप्रकरणी खडकी पोलिसांनी एका महिलेसह दोघांवर गुन्हा दाखल केला आहे. इंदिरानगरमधील एका ३७ वर्षीय महिलेने यासंदर्भात फिर्याद दिली आहे. पोलिसांनी दिलेल्या माहितीनुसार, आरोपी महिला ही फिर्यादीच्या घरात नेहमी ये-जा करणारी आणि अत्यंत ओळखीची होती. घरात मौल्यवान वस्तू ठेवल्यास त्या चोरीला जातील या भीतीने फिर्यादीने हे दागिने कपाटात न ठेवता एका पिंपामध्ये सुरक्षित ठेवले होते.

advertisement

पुण्यातील जोडप्याचा वयाच्या साठीनंतर घटस्फोटासाठी दावा; बँक अकाऊंट भरलेलं तरी पत्नीची पोटगीची मागणी, न्यायालय म्हणालं...

या ओळखीचा फायदा घेऊन आरोपी महिलेने फिर्यादीचे लक्ष चुकवले आणि पिंपात लपवून ठेवलेले सोन्याचे दागिने गुपचूप लंपास केले. चोरी केलेले हे दागिने तिने एका सराफाकडे नेऊन गहाण ठेवल्याचे प्राथमिक तपासात उघड झाले आहे. फिर्यादीने दागिने तपासले असता, ते चोरीला गेल्याचे लक्षात आले. पोलिसांनी महिलेविरुद्ध गुन्हा दाखल केला असून, पोलीस अधिक तपास करत आहेत.