TRENDING:
हॉटेलमध्ये पोहोचल्यानंतर या बनावट ग्राहकाने मॅनेजर मोहन कसनू राठोड याच्याकडे शरीरविक्रयासाठी महिलेची मागणी केली. मॅनेजरने कोणतीही शंका न घेता पंचांसमक्ष या मागणीला संमती दिली आणि वेटरच्या माध्यमातून महिलेची सोय करून देण्याचे कबूल केले. व्यवहार निश्चित होताच दबा धरून बसलेल्या पोलीस पथकाने हॉटेलवर छापा टाकला. या कारवाईत पोलिसांनी हॉटेलचा मॅनेजर मोहन कसनू राठोड (वय ५०) आणि वेटर गणेश दत्ता चिलकेवार (वय २५) या दोघांना बेड्या ठोकल्या आहेत. या छाप्यातून दोन पीडित महिलांची पोलिसांनी सन्मानपूर्वक सुटका केली असून, त्यांची रवानगी सुधारगृहात करण्याची प्रक्रिया सुरू आहे.
advertisement
पुण्यासारख्या शहराच्या वेशीवर आणि वर्दळीच्या महामार्गावर अशा प्रकारचे लॉजिंग-बोर्डिंग व्यवसाय आता पोलिसांच्या रडारवर आले आहेत. हॉटेल मालकाचा या प्रकरणात सहभाग आहे का? तसेच हे रॅकेट किती काळापासून आणि कोणाकोणाच्या आशीर्वादाने सुरू होते, याचा सखोल तपास पोलीस करत आहेत. अनैतिक मानवी वाहतूक प्रतिबंधक कायद्यानुसार (PITA) या प्रकरणी लोणी काळभोर पोलीस ठाण्यात गुन्हा दाखल करण्यात आला आहे. अशा प्रकारच्या बेकायदेशीर कृत्यांवर कडक निर्बंध आणण्यासाठी महामार्गावरील सर्व लॉजिंगची तपासणी मोहिमेची तीव्रता वाढवण्यात येणार असल्याचे संकेत प्रशासनाने दिले आहेत.