तालुक्यातील पाचाणे येथील वृद्ध शेतकऱ्याने याप्रकरणी शुक्रवारी शिरगाव पोलीस ठाण्यात फिर्याद दिली. पुणे महानगर प्रदेश विकास प्राधिकरणच्या (पीएमआरडीए) अंतर्गत बाह्यवळण रस्त्याचं मावळ तालुक्यात काम सुरू आहे. त्यासाठी या वृद्ध शेतकऱ्याच्या मावळ तालुक्यातील शेतजमिनीपैकी 38 गुंठ्यांचं भूसंपादन करण्यात आलं. त्याचा मोबदला म्हणून त्यांना पावणेतीन कोटींपर्यंत रक्कम मिळाली. शेतकरी वयोवृद्ध असल्याने ही रक्कम कोणीतरी फसवणूक करून खात्यातून वळवून घेतील, असं शेतकऱ्याच्या मुलाने, सुनेनं आणि नातवांनी सांगितलं.
advertisement
दिवसरात्र काम अन् टोमणे; उपाशीही ठेवायची, सूनेकडून 80 वर्षीय सासूला 'सासूरवास', कोर्टाने दिला दणका
वृद्ध शेतकऱ्याच्या सह्या घेत बँकेत जॉइंट अकाऊंट काढलं. शेतकऱ्याच्या मुलाने, सुनेनं आणि नातवांनी या खात्यावरील एक कोटी 82 लाख रुपये परस्पर त्यांच्या इतर खात्यांत वळवून घेतले. काही दिवसांनी वृद्ध शेतकरी बँकेत गेले असता त्यांच्या खात्यातून एक कोटी 82 लाख रुपये वळवल्याचं समोर आलं. यानंतर त्यांनी पोलिसांत तक्रार केली. मुलाने त्याच्या पत्नी आणि मुलांसोबत मिळून स्वतःच्या वडिलांची फसवणूक केल्याप्रकरणी पोलिसांनी गुन्हा दाखल केला आहे.
वृद्ध शेतकऱ्याला दोन मुलं आणि एक मुलगी अशी तीन अपत्ये आहेत. या तिघांमध्ये शेतजमिनीची आणि इतर मिळकतीची समान वाटणी करण्याचं शेतकऱ्याने तिघांना सांगितलं होतं. मात्र, त्यापूर्वीच त्यांच्याच मुलाने त्यांची फसवणूक करत ही रक्कम आपल्या खात्यात वळवून घेतली.