पिंपरी-चिंचवड हे राज्यातील प्रमुख औद्योगिक शहर असून, गेल्या काही वर्षांत या शहराचा विकास वेगाने झाला आहे. महाराष्ट्रासह देशाच्या विविध भागांतून रोजगाराच्या शोधात मोठ्या प्रमाणावर नागरिक येथे स्थायिक झाले आहेत. वाढत्या लोकसंख्या आणि औद्योगिक विस्ताराच्या पार्श्वभूमीवर शहरातील अग्निसुरक्षा आणि आपत्कालीन सेवांना बळकटी देण्यावर भर दिला जात आहे.
Vande Bharat Express: पुणे- नांदेड प्रवास आता फक्त 7 तासात ते पण फुल्ल गारेगार, जाणून घ्या Details
advertisement
पिंपरीत उभारले जाणारं 15 मजली संकुल
या अत्याधुनिक अग्निशमन प्रशिक्षण अकादमीत 22 अग्निशमन बंबांसाठी वाहनतळ, कर्मचाऱ्यांसाठी शयनगृह आणि स्वच्छतागृहे, तसेच 200 आसनांची प्रेक्षागृह व्यवस्था, स्वयंपाकघर आणि मुख्य अग्निशमन अधिकारी (CFO) यांचे केबिन असेल. यासोबतच 15 मजली निवासी संकुल उभारण्याचं कामही सुरू आहे.
महापालिकेचे अतिरिक्त आयुक्त विजयकुमार खोराटे यांनी सांगितलं की, अत्याधुनिक अग्निशमन प्रशिक्षण अकादमी आणि निवासी संकुल उभारण्याचं काम सुरू आहे. या माध्यमातून महापालिका शहरातील नागरिकांच्या सुरक्षेसाठी एकप्रकारे महत्त्वाची गुंतवणूक करत आहे. हा प्रकल्प लवकरात लवकर पूर्ण व्हावा, यासाठी नियोजनबद्ध पद्धतीने काम सुरू असल्याचंही त्यांनी स्पष्ट केलं.