आता आगीच्या घटनांना लागणार ब्रेक! पिंपरी-चिंचवडमध्ये 150 कोटींचा मेगा प्लॅन तयार

पुणे: उद्योगनगरी म्हणून ओळख असलेल्या पिंपरी-चिंचवडमध्ये आगीच्या घटना टाळण्यासाठी आणि आपत्कालीन व्यवस्थापन अधिक सक्षम करण्यासाठी महत्त्वाचं पाऊल उचलण्यात आलं आहे. पिंपरी येथे अत्याधुनिक अग्निशमन प्रशिक्षण अकादमी आणि निवासी संकुल उभारण्यास सुरुवात केली आहे. शहरातील अग्निसुरक्षा आणि आपत्कालीन तयारी मजबूत करण्याच्या दिशेने हा प्रकल्प महत्त्वपूर्ण ठरणार आहे. या प्रकल्पासाठी 150 कोटी 91 लाख रुपये इतका निधी मंजूर करण्यात आला असून, हे काम 30 महिन्यांच्या कालावधीत पूर्ण करण्याचे लक्ष्य ठेवण्यात आले आहे.