अग्निशामक दलाच्या आकडेवारीनुसार, 21 ऑक्टोबर रोजी म्हणजे लक्ष्मीपूजनाच्या दिवशी सर्वाधिक 42 ठिकाणी आग लागण्याच्या घटना घडल्या. 22 ऑक्टोबर म्हणजेच पाडव्याच्या दिवशी 23 ठिकाणी आग लागली. तर भाऊबीज दिवशी तीन ठिकाणी आगीची घटना घडली. फटाक्यांची आतषबाजी करत असताना मोठ्या फटाक्यांच्या ठिणग्या या आकाशकंदील, कचरा किंवा घराच्या बंद गॅलरीत ठेवलेल्या वस्तूंवर पडल्याने आगीच्या घटना घडल्याचे समोर आले आहे. मुळे लागल्याचे समोर आले आहे.
advertisement
Pune News : नाशिक-पुणे बस प्रवाशांसाठी अत्यंत महत्त्वाची बातमी! प्रवास करण्याआधी हे वाचा, नाहीतर...
कुठं लागली आग?
वारजे भागात असलेल्या दत्त मंदिराजवळील किराणा दुकानाला सायंकाळी लागलेल्या आगीमुळे दुकानातील माल जळून खाक झाला. अग्निशामक दलाकडून या आगीवर नियंत्रण आणण्यात आले. कसबा पेठेतील कागदीपुरा भागात इमारतीच्या चौथ्या मजल्यावर आग लागल्याने रहिवाशांचा गोंधळ उडाला. तर विमान नगर भागात झाड आणि विद्युत तारांना लागलेल्या आगीमुळे काही काळ वाहतुकीवर परिणाम झाला. तर बाणेर-सुस रोडवरील आगीच्या घटनेत धुराचे लोट उठले होते.
दरम्यान, पुण्यातील धानोरी, हडपसर, कोंढवा, काळेपडळ, नवले, औंध, सिंहगड रोड, विश्रांतवाडी या भागात देखील लहान-मोठ्या आगीच्या घटना घडल्या. तिन्ही दिवस अग्निशमन पथक सतर्क होते. त्यामुळे माहिती मिळताच अग्निशमन दल तातडीने पाचारण करण्यात आले, सुदैवाने कोणतीही जीवितहानी झाली नाही, असे अग्निशमन अधिकाऱ्यांनी सांगितले.