महिला पोलीस निरीक्षकांचा विनयभंग
पुण्यातील भाजप पदाधिकारी प्रमोद कोंढरे याने पुणे पोलिस दलातील महिला पोलीस निरीक्षकांचा विनयभंग केल्याचा गुन्हा दाखल आहे, मात्र या प्रकरणात प्रमोद कोंढरे याला अटक करण्यात आली नाही. तर महिला पोलिस निरीक्षकाची मात्र वाहतूक शाखेत बदली करण्यात आल्याचं पहायला मिळालंय.
शरद पवार यांची भेट
advertisement
पुणे शहर वरिष्ठ पोलीस अधिकारी यांनी केलेल्या बदली निर्णयाविरोधात संबंधित महिला पोलिस निरीक्षक यांनी मॅटमध्ये धाव घेत आपल्यावर अन्याय होतो, अशी भावना आहे. या सर्व प्रकरणाची माहिती महिला पोलिस निरीक्षक यांनी आज शरद पवार यांची भेट घेऊन दिली आहे.
प्रकरणाला राजकीय वळण?
दरम्यान, या घटनेनंतर प्रमोद कोंढरे याच्यावर विनयभंगाचा गुन्हा दाखल करण्यात आला असून अधिकचा तपास पोलीस करत आहेत. मात्र, अद्याप अटक केली गेली नसल्याने आता संताप व्यक्त केला जात आहे. आता या प्रकरणाला राजकीय वळण लागतंय की काय? असा सवाल विचारला जात आहे.