पुणे पोलिसांना गुंगारा देऊन स्विर्त्झंलंडला
निलेश घायवळ हा सध्या विदेशात असून त्यांचे लोकेशन लंडन आहे, अशी माहिती समोर आली होती. मात्र, तो लंडनमधून नसून दुसऱ्याच देखील असल्याचं समजतंय. पुण्याचे पोलीस आयुक्त अमितेश कुमार यांनी निलेश घायवळ सध्या स्विर्त्झंलंडमध्ये असल्याचं स्पष्ट केलं आहे. पण निलेश घायवळ पुणे पोलिसांना गुंगारा देऊन स्विर्त्झंलंडला कसा पोहोचला? असा सवाल विचारला जात होता. तर त्याचं उत्तर घायवळच्या पासपोर्टमध्ये आहे. घायवळने त्याच्या नावात मोठा बदल केला.
advertisement
पासपोर्टवर 'घायवळ’ऐवजी ‘गायवळ’
घायवळने नावात बदल करून ‘घायवळ’ऐवजी ‘गायवळ’ असे नमूद केले आणि अहिल्यानगरमधील खोटा पत्ता दाखवत 23 डिसेंबर 2019 रोजी तात्काळ पासपोर्टसाठी अर्ज दाखल केला होता. घायवळने Ghaywal या नावातील h काढून Gaywal असं केलं. त्यामुळे मोठे गुन्हे दाखल असताना देखील घायवळला पासपोर्टमुळे फरार होता आलं. सराईत गुन्हेगार निलेश घायवळ याच्या पासपोर्ट बाबत अहिल्यानगर जिल्हा पोलिसांकडून खुलासा आहे.
पासपोर्ट पोलीसांकडे जमा करण्याचे आदेश पण...
पुण्यातील पासपोर्ट कार्यालयाने घायवळला तात्काळ पासपोर्टसाठीचे इतर निकष वापरुन 16 जानेवारी 2020 ला पासपोर्ट मंजुर केला आणि घायवळला पासपोर्ट मिळाला. त्यानंतर 2021 मध्ये निलेश घायवळला पुण्यातील एका दरोड्याच्या गुन्ह्यात अटक करण्यात आली होती. त्यानंतर आता त्याने या पासपोर्टचा आधार घेतला अन् फरार झाला आहे. 2022 मध्ये घायवळला त्या गुन्ह्यात न्यायालयाकडून जामीन मिळाला. तो देताना न्यायालयाने घायवळला त्याचा पासपोर्ट पोलीसांकडे जमा करण्याचे आदेश दिले होते. मात्र घायवळने त्याचा पासपोर्ट जमा केला नव्हता, अशी माहिती मिळाली आहे.
निलेश बन्सीलाल गायवळ Not Available
दरम्यान, निलेश बन्सीलाल गायवळ, राहणार गौरी घुमट, आनंदी बाजार, माळीवाडा रोड अहमदनगर असा नाव व पत्ता असलेला घायवळ याने तात्काळ पासपोर्ट सुविधे अंतर्गत पासपोर्ट मिळण्यासाठी पुणे प्रादेशिक पासपोर्ट कार्यालयाकडे अर्ज सादर केला होता. पत्त्यावर कोतवाली पोलीसांनी पडताळणी केली असता संपर्क होऊ शकला नाही व सदर पत्त्यावर मिळून आला नाही. त्यानंत "Not Available" रिमार्क करून पुणे विभागीय पासपोर्ट कार्यालयास पाठवलं होतं, अशी माहिती समोर आली आहे.