'माझ्याकडे का बघतो?' कारमधून उतरत जोडप्याची शिक्षकाला बेदम मारहाण, पुण्यातील धक्कादायक घटना

२६ नोव्हेंबर रोजी सायंकाळच्या सुमारास कुट्टे हे दुचाकीवरून त्यांच्या शिकवणी वर्गाकडे जात होते. खराडी परिसरात त्यांच्या दुचाकीचा धक्का एका कारच्या आरशाला लागला. यावरून संतप्त झालेल्या कार चालकाने क्षणाचाही विलंब न लावता कुट्टे यांची गाडी अडवली आणि त्यांना शिवीगाळ करण्यास सुरुवात केली. 'माझ्याकडे का बघतो?' अशी धमकीवजा विचारणा करत त्याने कुट्टे यांना लाथाबुक्क्यांनी मारहाण केली. कारमध्ये असलेली एक तरुणीही या हल्ल्यात सहभागी झाली आणि तिनेही कुट्टे यांना शिवीगाळ केली. या मारहाणीनंतर कार चालकाने त्याच्या कारमधून तीक्ष्ण शस्त्र बाहेर काढले आणि कुट्टे यांच्यावर जीवघेणा वार केला.

advertisement

नर्सने मित्राला वापरायला दिलं बँक अकाऊंट, त्याने केला असा प्रताप की ऐकूनच बसला धक्का, तिघांना अटक

हल्ला केल्यानंतर आरोपी कार चालक आणि तरुणी दोघांनीही घटनास्थळावरून तातडीने पळ काढला. या घटनेमुळे खराडी परिसरात मोठी भीती पसरली आहे. पोलिसांनी अज्ञात आरोपींचा शोध घेण्यासाठी परिसरातील सीसीटीव्ही फुटेजची तपासणी सुरू केली आहे. परिमंडळ ४ चे पोलीस उपायुक्त सोमय मुंडे यांच्यासह वरिष्ठ अधिकाऱ्यांनी घटनास्थळाला भेट देऊन तपासकार्यात गती आणली आहे. अशा घटनांमुळे रस्त्यावरच्या सुरक्षेचा प्रश्न पुन्हा एकदा ऐरणीवर आला आहे.