TRENDING:
प्रशांत वाघ यांचा हिवरे तर्फे नारायणगाव येथे सानेन जातीच्या शेळ्यांचे संगोपन करणारा गोठा आहे. या गोठ्याचे संरक्षण करण्यासाठी पत्र्याचे मोठे शेड आणि त्याला ८ ते १० फूट उंचीचे लोखंडी तारेचे कंपाऊंड देखील केलेले आहेत. मात्र, तरीही बिबट्यांनी आत प्रवेश केला. वाघ हे आपल्या वृद्ध आईसोबत या ठिकाणी राहतात. मात्र पत्नी आणि पुणे येथे शिकत असलेल्या मुलाला भेटण्यासाठी ते गुरुवारी पुण्यात गेले होते.
advertisement
Pune News: बिबट्यानंतर पुणेकरांवर आता आणखी एक नवं संकट; घराबाहेर पडताना सावधान!
घरून फोन आल्यावर ते तत्काळ गावी परतले आणि त्यांनी वनविभागाला घटनेची माहिती दिली. वनक्षेत्रपाल चैतन्य कांबळे यांनी मृत आणि जखमी शेळ्यांचा तातडीने पंचनामा केला. वाघ यांच्या दाव्यानुसार, हा हल्ला एका नव्हे, तर तीन ते चार बिबट्यांच्या टोळीने केला असण्याची प्राथमिक शक्यता आहे. बिबट्यांनी तीन शेळ्या जागेवर ठार मारल्या. तर उर्वरित दहा शेळ्या आठ फुटांची जाळी ओलांडून बाजूला असलेल्या ऊसाच्या शेतात नेऊन मारल्याचे त्यांनी सांगितले. ऊसामध्ये या शेळ्यांचे काही अवशेष वनविभागाच्या कर्मचाऱ्यांना आढळले आहेत.
या घटनेची माहिती मिळताच मोठ्या संख्येने ग्रामस्थांनी घटनास्थळी धाव घेतली होती. वनक्षेत्रपाल चैतन्य कांबळे यांनी नागरिकांना आवाहन केले आहे की, या भागात बिबट्यांची संख्या अधिक असल्याने, सूर्यास्त आणि सूर्योदयापूर्वी शेतात जाणे टाळावे. तसेच, विद्यार्थी आणि नागरिकांनी एकट्याने प्रवास न करता सोबत जोडीदार घ्यावा, मोबाईलवर गाणी सुरू ठेवावीत आणि हातामध्ये काठी ठेवावी.