Pune News: पुणेकरांच्या गाड्यांना आता 'तीन अक्षरी' नंबरप्लेट! MH-12 मालिकेतील दोन अक्षरांचा कोटा संपणार; नवीन बदल काय?

का होतोय हा बदल?

केंद्र सरकारच्या रस्ते वाहतूक मंत्रालयाने दिलेल्या निर्देशानुसार, राज्यांमध्ये इंग्रजी वर्णमालेच्या क्रमवारीनुसार वाहनांची नोंदणी केली जाते. पुण्यात आतापर्यंत 'AA' पासून सुरू झालेली मालिका 'ZG' पर्यंत पोहोचली आहे. साडेपाच कोटींहून अधिक वाहन क्रमांक वितरीत झाले आहेत. अशातच आता सण आणि मुहूर्तांमुळे वाढलेली वाहन विक्री पाहता लवकरच ही मालिका 'ZZ' पर्यंत पोहोचेल. त्यानंतर नवीन नोंदणीसाठी अक्षरे शिल्लक नसल्याने आता तीन अक्षरी (उदा. MH-12, AAA 5..9) मालिकेचे नियोजन सुरू आहे.

advertisement

Mumbai Local : ठाणे स्थानकावर न उतरता रेल्वेनं नवी मुंबई गाठा; बदलापूरकरांसाठी गेम चेंजर निर्णय

पुणे आरटीओच्या नोंदीनुसार शहरात वाहनांचा महापूर आला आहे

दुचाकी: २९ लाख ८८ हजार ८१० (सर्वाधिक)

चारचाकी: ९ लाख १९ हजार ९६१

एकूण वाहने: ४३ लाख ५५ हजार ३८० (मार्च अखेरपर्यंत)

प्रादेशिक परिवहन अधिकारी अर्चना गायकवाड यांनी दिलेल्या माहितीनुसार, राज्य परिवहन विभागाकडे लवकरच अंतिम प्रस्ताव पाठवून ही नवीन प्रणाली कार्यान्वित केली जाईल. यामुळे पुणे हे अशा प्रकारे तीन अक्षरी मालिका सुरू करणाऱ्या देशातील प्रमुख शहरांपैकी एक ठरेल.