TRENDING:
पुणे जिल्ह्यातील बिबट्या प्रवण क्षेत्रातील शाळा लवकर भरवण्याच्या सूचना देण्यात आल्या आहेत. जिल्हा परिषदचे मुख्य कार्यकारी अधिकारी गजानन पाटील यांनी याबाबत गटशिक्षणाधिकाऱ्यांना सूचना दिल्या आहेत. बिबट्याच्या वावरामुळे पुणे जिल्ह्यात काही भागात भीतीदायक वातावरण तयार झालं आहे. बिबट्याच्या हल्ल्याच्या वाढत्या घटना पाहता, हा निर्णय घेण्यात आला आहे
आता तुम्ही घरीच थांबा! पुण्यातील लहानग्यांना अंगणवाडीत कोंडणाऱ्या दोघींवर कारवाई
advertisement
जिल्ह्यातील जुन्नर, आंबेगाव, खेड आणि शिरूर या चार तालुक्यातील 233 गावे ही बिबट्या प्रवण क्षेत्र म्हणून जाहीर करण्यात आले आहेत. या क्षेत्रातील शाळा सकाळी साडेनऊ ते दुपारी चार या वेळेत भरावा अशा सूचना गटशिक्षणाधिकाऱ्यांना देण्यात आल्या आहेत. ग्रामीण भागातील बहुतांश विद्यार्थी हे पायपीट करत शाळेत जातात. त्यांच्या मार्गावर अनेक ठिकाणी ऊस क्षेत्र, जंगल क्षेत्र, डोंगराळ भाग आणि बिबट प्रवण आपत्ती क्षेत्र आहेत.
सध्या सुरू असलेल्या ऊसतोडीमुळे बिबट्यांना लपण्यासाठी जागा कमी झाली आहे. त्यामुळे त्यांचा मानवी वस्तीत वावर वाढला असून हल्ल्यांचे प्रमाण वाढले आहे.