TRENDING:
नेमकी घटना काय?
वाहन खरेदी-विक्रीचा व्यवसाय करणाऱ्या एका तरुणाला ३१ डिसेंबरच्या रात्री नऊ जणांनी गाठले. जुन्या आर्थिक व्यवहाराचा राग मनात धरून आरोपींनी पीडिताचे कारमधून अपहरण केले. गोकुळनगर परिसरातील एका निर्जन मैदानात नेऊन आरोपींनी तरुणाला विवस्त्र केले आणि त्याला बेदम मारहाण केली. या अघोरी कृत्याचे त्यांनी मोबाईलवर चित्रीकरण करून, पोलिसात गेल्यास व्हिडिओ सोशल मीडियावर व्हायरल करण्याची धमकी दिली.
advertisement
दहशत माजवण्यासाठी आरोपींनी पिस्तुलाचा धाक दाखवून पीडिताला धमकावले आणि गोळीबारही केला. सुदैवाने, या हल्ल्यातून तरुण थोडक्यात बचावला. या घटनेनंतर प्रचंड दहशतीखाली असलेल्या तरुणाने रविवारी येवलेवाडी पोलीस ठाण्यात धाव घेऊन तक्रार नोंदवली. या गंभीर प्रकरणाची दखल घेत वरिष्ठ पोलीस निरीक्षक अमर काळंगे यांनी घटनास्थळाची पाहणी केली आहे. एकूण नऊ जणांविरुद्ध गुन्हा दाखल करण्यात आला असून, पोलीस उपनिरीक्षक खराडे पसार आरोपींचा शोध घेत आहेत.
पुणे शहरात गेल्या काही काळापासून किरकोळ वादातून होणारे खून आणि प्राणघातक हल्ल्यांचे सत्र वाढले आहे. आकडेवारीनुसार, मागील वर्षात ७९ खून आणि १५३ खुनाच्या प्रयत्नांचे गुन्हे नोंदवले गेले आहेत. गुन्ह्यांच्या प्रमाणात तांत्रिकदृष्ट्या घट दिसत असली, तरी भररस्त्यात होणारे हल्ले आणि वाहनांची तोडफोड यामुळे सर्वसामान्य पुणेकर मात्र प्रचंड दहशतीखाली आहेत.