Success Story : व्यवसाय करण्यासाठी इंजिनिअरिंगची नोकरी सोडली, आता उभारला कॅफे, ओंकारच्या यशाची कहाणी Video

ओंकार पिंगळे याने कॉम्प्युटर इंजिनिअरिंगचे शिक्षण पूर्ण केल्यानंतर करिअरची सुरुवात मुंबईसारख्या शहरात केली. काही वर्षे त्याने कॉर्पोरेट क्षेत्रात अनुभव घेतला, मात्र तिथे काम करताना त्याला सतत एक गोष्ट जाणवत होती आपण आपला अमूल्य वेळ दुसऱ्याच्या स्वप्नांसाठी खर्च करत आहोत, पण त्या बदल्यात मिळणारा मोबदला आणि समाधान मात्र अपुरे आहे.

नाशिकमध्ये परतल्यानंतर ओंकारने नेक्टर्स (Nectars) या नावाने आपला कोल्डड्रिंक कॅफे सुरू केला. सुरुवातीला आव्हाने होती, पण आपल्या कष्टाच्या जोरावर त्याने हा व्यवसाय अल्पावधीतच नावारूपाला आणला. आज ओंकार या व्यवसायातून नोकरीच्या पगारापेक्षा कितीतरी पट अधिक उत्पन्न मिळवत आहे. आज माझ्याकडे नोकरी जाण्याचे कोणतेही टेन्शन नाही, उलट मी इतरांना रोजगार देऊ शकतो याचा मला अभिमान वाटतो, असे ओंकार अभिमानाने सांगतो.