उरले फक्त 2 दिवस! जया एकादशीला 'हे' 3 उपाय करताच बदलेल नशीब, पैसा, प्रमोशन, जे हवं ते मिळणार

जया एकादशीला करायचे 3 प्रभावी उपाय

1. पिवळ्या वस्तूंचा वापर आणि दान

भगवान विष्णूंना पिवळा रंग अत्यंत प्रिय आहे. गुरुवारी एकादशी असल्याने पिवळ्या रंगाचे महत्त्व दुप्पट होते. या दिवशी आवर्जून पिवळे वस्त्र परिधान करावे. भगवान विष्णूंना गूळ आणि चणा डाळीचा नैवेद्य अर्पण करावा. यामुळे कुंडलीतील गुरु ग्रह मजबूत होतो, जो सुख आणि संपत्तीचा कारक आहे. पूजेनंतर हे साहित्य गरजू व्यक्तीला दान केल्यास अडकलेली कामे मार्गी लागतात.

advertisement

2. अभिजित मुहूर्तावर 'अलार्म'चा विशेष उपाय

या एकादशीला वेळेचे नियोजन खूप महत्त्वाचे आहे. 29 जानेवारी रोजी दुपारी 12:13 ते 12:56 या दरम्यान 'अभिजित मुहूर्त' आहे. आपल्या फोनमध्ये दुपारी ठीक 12 वाजून 13 मिनिटांचा अलार्म सेट करा. हा मुहूर्त अत्यंत शुभ मानला जातो. अलार्म वाजताच घरातील देवाऱ्यासमोर शुद्ध तुपाचा दिवा लावा आणि आपल्या प्रगतीसाठी प्रार्थना करा. या मुहूर्तावर केलेली प्रार्थना थेट ईश्वरापर्यंत पोहोचते आणि नोकरी-व्यवसायात यश मिळते.

3. आवडीच्या वस्तूचा त्याग आणि नियम

एकादशी हे केवळ उपासनेचे व्रत नसून ते संयमाचे प्रतीक आहे. या दिवशी मनावर ताबा मिळवण्यासाठी तुमच्या आवडत्या एका वस्तूचा किंवा सवयीचा (उदा. गोड पदार्थ, चहा इ.) त्याग करा. तसेच, एकादशीच्या दिवशी चुकूनही भाताचे सेवन करू नका. धार्मिक मान्यतेनुसार एकादशीला भात खाल्ल्याने पुण्य क्षीण होते.

जया एकादशीचा हा शुभ संयोग तुमच्या आयुष्यात सकारात्मक बदल घडवून आणू शकतो. केवळ श्रद्धा ठेवून केलेले हे छोटे उपाय तुमच्या मेहनतीला नशिबाची जोड देतील. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)