धोक्याची घंटा! भारतात तब्बल 80 टक्क्यांहून अधिक मनोरुग्ण उपचारांपासून वंचित, काय घडतंय? Video

पुणे: गेल्या काही वर्षांपासून मानसिक आजारांच्या रुग्णसंख्येत मोठ्या प्रमाणात वाढ होत आहे. डिप्रेशन, अ‍ॅनझायटी, अतिचिंता, ओव्हरथिंकिंग यांसारख्या मानसिक समस्यांचा नागरिकांना सामना करावा लागत आहे. मात्र, मानसिक आजारांबाबत समाजात असलेल्या भीती आणि संकोचामुळे अनेक जण आपली समस्या उघडपणे मांडत नाहीत. यामुळे संबंधित व्यक्तींना वेळेवर उपचार मिळत नसून आजार अधिक बळावण्याची शक्यता असते. अलीकडेच इंडियन सायकेट्रिक सोसायटी यांनी धक्कादायक माहिती समोर आणली आहे. भारतातील सुमारे 80 टक्के मानसिक आजारांच्या रुग्णांना वेळेवर किंवा योग्य उपचार मिळत नाहीत. याविषयी मानसोपचार तज्ज्ञ निकिता जगताप यांनी लोकल18 सोबत बोलताना माहिती दिली आहे.