साक्षात लक्ष्मीचे रूप! 'या' ठिकाणी तीळ असणाऱ्या स्त्रिया, सासरसाठी ठरतात अतिशय भाग्यवान

कपाळाच्या उजव्या बाजूला तीळ

सामुद्रिक शास्त्रानुसार, ज्या स्त्रीच्या कपाळाच्या उजव्या बाजूला तीळ असतो, ती अतिशय भाग्यवान असते. अशा स्त्रिया बुद्धीने चतुर आणि कष्टाळू असतात. लग्नानंतर त्या आपल्या पतीच्या आणि सासरच्या संपत्तीत वृद्धी करतात. त्यांच्या आयुष्यात आर्थिक स्थैर्य कायम राहते.

नाकाच्या उजव्या बाजूला तीळ

नाकाच्या उजव्या बाजूला तीळ असणाऱ्या स्त्रिया प्रभावशाली व्यक्तिमत्त्वाच्या असतात. आचार्यांच्या मते, अशा स्त्रियांना आयुष्यात कमी कष्टात अधिक यश मिळते. या स्त्रिया सासर आणि माहेर दोन्ही घरांसाठी 'लक्ष्मी' मानल्या जातात. त्यांना भौतिक सुखांची कमतरता कधीही भासत नाही.

advertisement

हनुवटीच्या मध्यभागी तीळ

हनुवटीवर तीळ असणे हे सौंदर्यासोबतच भाग्याचे लक्षण आहे. ज्या स्त्रियांच्या हनुवटीवर तीळ असतो, त्या स्वभावाने शांत आणि संयमी असतात. त्यांच्याकडे पैशांची आवक नेहमी सुरू असते आणि त्या आपल्या कुटुंबाला आर्थिक संकटातून बाहेर काढण्याची ताकद ठेवतात.

डाव्या कंबरेवर तीळ

ज्या स्त्रियांच्या डाव्या कंबरेवर तीळ असतो, त्या अत्यंत श्रीमंत आणि विलासी जीवन जगणाऱ्या असतात. अशा स्त्रियांकडे अफाट संपत्ती असतेच, पण त्या दिसायलाही खूप आकर्षक असतात. त्यांचे व्यक्तिमत्व लोकांना लवकर प्रभावित करते.

डाव्या तळहातावर तीळ

सामुद्रिक शास्त्रानुसार, पुरुषांच्या उजव्या तर स्त्रियांच्या डाव्या तळहातावर तीळ असणे शुभ मानले जाते. जर मुठ मिटल्यावर हा तीळ मुठीच्या आत येत असेल, तर ती स्त्री खूप धनवान बनते. अशा स्त्रियांच्या हातात पैसा टिकतो आणि त्या बचतीतही हुशार असतात.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)