TRENDING:
मूर्तीची वैशिष्ट्ये काय आहेत?
या मूर्तीचं वैशिष्ट्य म्हणजे तिचं रूप. पारंपरिक प्रतिमेपेक्षा भिन्न, वनात वावरणाऱ्या योद्ध्याच्या रूपात श्रीराम येथे दिसतात. पिळदार शरीर, डाव्या हातात धनुष्य आणि उजव्या हातात बाण, जणू अन्यायाविरुद्ध सज्ज असलेला योद्धाच. त्यामुळे ही मूर्ती केवळ धार्मिक नाही, तर संघर्ष आणि धैर्याचं प्रतीक ठरते.
एकाच दगडातून घडलेली कलाकृती
advertisement
दाट झाडांच्या सान्निध्यात शांत परिसरात उभी असलेली ही मूर्ती एकाच दगडातून कोरलेली आहे. इंगळे या मूर्तिकाराने ही मूर्ती साकारली असल्याची नोंद आहे. जरी त्यांची सविस्तर माहिती उपलब्ध नसली, तरी त्यांच्या हातून घडलेली ही कलाकृती आजही भाविकांचं लक्ष वेधून घेते.
तपोवन संस्थेचे अध्यक्ष डॉ. सुभाष गवई सांगतात की, तपोवन ही संस्था केवळ उपचारांची जागा नाही, तर सन्मानाने जगण्याचा हक्क देणारी जागा आहे. राष्ट्रपिता महात्मा गांधी यांनी मांडलेल्या रामराज्य संकल्पनेची झलक येथे पाहायला मिळते. समाजाने नाकारलेल्या कुष्ठरुग्णांना येथे आधार, निवारा आणि स्वाभिमान मिळतो. श्रीरामाच्या जीवनातील मूल्यं न्याय, कर्तव्य आणि सर्वसमावेशकता याच विचारांवर तपोवन उभं आहे.
गोशाळा आणि निवासस्थानांच्या मध्यभागी असलेली ही मूर्ती तपोवनातील रुग्णांसाठी प्रेरणास्थान आहे. अडचणींवर मात करण्याची ताकद, नव्याने उभं राहण्याची ऊर्जा हे सर्व या मूर्तीमधून मिळत असल्याची भावना अनेक जण व्यक्त करतात.
आजही तपोवनात या वारशाचं जतन केलं जात असून, भविष्यात या परिसराचा विकास करण्याचे प्रयत्न सुरू आहेत. ‘वनवासी राम’चं हे अनोखं दर्शन आणि त्यामागचा सामाजिक संदेश अनुभवण्यासाठी अमरावतीतील तपोवनाला भेट देण्याचं आवाहन करण्यात येत आहे.