TRENDING:
ऑस्ट्रेलियन कर्णधार स्टीव्ह स्मिथने घेतलेला हा निर्णय टीमच्या प्लेइंग इलेव्हन संदर्भात होता. ऑस्ट्रेलियाने या सामन्यात एकही स्पेशलिस्ट स्पिनरशिवाय मैदानात उतरण्याचा निर्णय घेतला. यंदाच्या ऍशेसमध्ये ऑस्ट्रेलिया तिसऱ्यांदा स्पेशलिस्ट स्पिनरशिवाय मैदानात उतरली. सिडनीची खेळपट्टी ही स्पिन बॉलरना मदत करणारी समजली जाते, त्यामुळे 137 वर्षांत सिडनीमध्ये ऑस्ट्रेलिया स्पिनरशिवाय खेळल्याची ही पहिलीच वेळ होती.
advertisement
ऑस्ट्रेलियाने इंग्लंडविरुद्धच्या सिडनी टेस्टमध्ये टॉड मर्फीच्या जागी ब्यु वेस्टरला मैदानात उतरवण्याचा निर्णय घेतला, त्यामुळे ऑस्ट्रेलियन टीममध्ये एकही स्पिनरचा समावेश झाला नाही. 1888 नंतर पहिल्यांदाच ऑस्ट्रेलियाने स्पेशलिस्ट स्पिनरशिवाय सिडनी टेस्ट खेळली.
गंभीरचा फॉर्म्युला
ऑस्ट्रेलियाने या सामन्यामध्ये टीम इंडियाचा प्रशिक्षक गौतम गंभीरचा ऑलराऊंडर खेळवण्याचा फॉर्म्युला वापरला. ज्यामुळे ऑस्ट्रेलियाने प्लेइंग इलेव्हनमध्ये कॅमरून ग्रीन, ब्यु वेबस्टर आणि मायकल नेसर या तीन ऑलराऊंडरना संधी दिली, पण ग्रीन आणि वेबस्टरला एकही विकेट घेण्यात यश आलं नाही, तर नेसरने एक विकेट घेतली, त्यामुळे ऑलराऊंडर खेळवण्याचा हा फॉर्म्युला ऑस्ट्रेलियाच्या फायद्याचा ठरला नाही.
ऑस्ट्रेलियाची प्लेइंग इलेव्हन
स्टीव्ह स्मिथ (कर्णधार), ट्रॅव्हिस हेड, जेक वेदरॉल्ड, मार्नस लाबुशेन, उस्मान ख्वाजा, अॅलेक्स कॅरी, कॅमेरॉन ग्रीन, ब्यू वेबस्टर, मायकेल नेसर, मिचेल स्टार्क, स्कॉट बोलंड