सोयाबीनचे दर पुन्हा वाढले, कापूस आणि तुरीला आज काय मिळाला भाव? एका क्लिकवर चेक करा

कृषी मार्केट वेबसाईटवरील सायंकाळी 6.30 वाजताच्या रिपोर्टनुसार, आज राज्यातील कृषी मार्केटमध्ये कपाशीची एकूण आवक 22 हजार 467 क्विंटल इतकी झाली. 7 हजार 030 क्विंटल सर्वाधिक आवक ही वर्धा मार्केटमध्ये झाली. त्याठिकाणी कमीतकमी 7546 ते जास्तीत जास्त 8028 रुपये प्रतिक्विंटल बाजारभाव मिळाला. वर्धा मार्केटमध्ये आज कपाशीला सर्वाधिक बाजारभाव मिळाल्याची नोंद आहे. मंगळवारी मिळालेल्या सर्वाधिक दराच्या तुलनेत आज कपाशीच्या दरात किंचित घट झाली आहे.

आज राज्यातील कृषी मार्केटमध्ये एकूण 49 हजार 471 क्विंटल सोयाबीनची आवक झाली. आज सोयाबीनची 9 हजार 300 क्विंटल सर्वाधिक आवक वाशिम मार्केटमध्ये झाली. त्याठिकाणी सोयाबीनला कमीत कमी 4325 ते जास्तीत जास्त 5005 रुपये प्रतिक्विंटल बाजारभाव मिळाला. पिवळ्या सोयाबीनला 6700 रुपये सर्वाधिक बाजारभाव वाशिम मार्केटमध्ये मिळाला. मंगळवारी मिळालेल्या सर्वाधिक दरात आज लक्षणीय वाढ झालेली दिसून येत आहे.

आज राज्यातील कृषी मार्केटमध्ये एकूण 17 हजार 204 क्विंटल तुरीची आवक झाली. यापैकी जालना मार्केटमध्ये 5 हजार 169 क्विंटल पांढऱ्या तुरीची सर्वाधिक आवक नोंदवण्यात आली. त्याठिकाणी तुरीला 5400 ते 7525 रुपये प्रतिक्विंटल बाजारभाव मिळाला. तसेच सोलापूर मार्केटमध्ये आलेल्या 6 क्विंटल काळ्या तुरीला 9150 रुपये प्रतिक्विंटल असा सर्वाधिक बाजारभाव मिळाला. मंगळवारी मिळालेल्या दराच्या तुलनेत आज तुरीच्या सर्वाधिक दरात विक्रमी वाढ झाली आहे.